පසුගිය රාජපක්ෂ පාලන සමය තුළ මීට අමතරව රාජ්‍ය නොවන සංවිධාන සහ සිවිල් සංවිධාන බොහෝ සිද්ධීන් අරභයා මානව හිමිකම් මූලික කරගත් විරෝධතාවයන් දැක් වූ නමුත් ඒ හැමවිටම රාජපක්ෂ ඇණියෙහි ප්‍රතිචාරය වූයේ ඒවා ඩොලර් වෙනුවෙන් කෙරෙන අධිරාජ්‍යවාදී කුමන්ත්‍රණ බවයි. බලයෙන් ඇද වැටුණු පසු එකී සිවිල් හා රාජ්‍ය නොවන සංවිධාන වල නිහැඬියාවක් ගැන සංවේදී වීම එක් අතකින් හාස්‍යජනකය. මන්දයත්, ගෝඨාභයලාට එකල තිබූ දැඩිම වුවමනාවක් වූයේ මෙකී සංවිධාන නිහඬ කිරීම ම වන නිසා ය.
ජාතික ආරක්ෂාවට බලපාන එක් සිද්ධියක් මෙතැන දී ද තහවුරු වෙමින් තිබුණි. එනම් ජාත්‍යන්තර මත්කුඩු ජාවාරමේ ප්‍රබලයකුගේ හිතවතෙකු ප්‍රසිද්ධ වේදිකාවක සිට රටේ ජාතික ආරක්ෂාව දුර්වල බව ප්‍රකාශ කිරීමයි. ආරක්ෂාවක තරම හා ඉන් රිංගා යාම හොඳින්ම දන්නේ ජාවාරම් කරුවන් බැවින් මේ ඔවුන් හරහා ලැබුණු තොරතුරක් නම් ඒ පිළිබඳව අවධානය යොමුවිය යුතුව ඇත.
