පසුගිය කාල සීමාව තුළ මෙන්ම දවසින් දවස සමාජය අශීලාචාර තත්වයක් දක්වා ගමන් කරන බවත් සාරධර්ම පිරිහෙමින් පවතින වට පිටාවක මෙම තත්වය වළක්වා ගැනීමේ අවශ්‍යතාවයක් මතුව පවතින බවත් කීවේය.
දේශපාලන පක්ෂ ජනතාවට කොතරම් විශාල පොරොන්දු ප්‍රමාණයක් ලබා දුන්නද ඒවා ඉතා ඉක්මණින් කණපිට පෙරළෙන බව ජනතාව දැන් අබෝධ කර ගෙන සිටින අතර පසුගිය කාල සීමාව තුළ රාජ්‍ය මූල්‍ය විශාල ලෙස විනාශයකට ලක්වූ බවත් එයට පළමුවෙන්ම වගකිය යුතු වන්නේ මේ කාරණය ඉදිරියේ අකර්මණ්‍යව නිහඩව නොදුටුවා සේ සිටි පිරිස බවත් පැවසුවේය.නුසුදුස්සන් රැසක් දේශපාලනයට පිවිසියේ ද ඔවුන්ගේ වගකීමක් රහිත බව හේතුවෙනි.
ජාතික ලැයිස්තුවක් වැදගත් වන්නේ කෙසේද යන කාරණය පැහැදිලි කරමින් මායාදුන්නේ මහතා පැවසුවේ රටේ ප්‍රගමනයට අතහිත දෙන,සමාජයට දායකත්වය දෙන,සමාජයට පෙරමුණු බලඅැණියක් විය හැකි අයට දේශපාලනයට පිවිසීමට අවස්ථාවක් ලබා දීමට ජාතික ලැයිස්තුව අවශ්‍ය බවය. නමුත් බොහෝ විට සිදු වන්නේ මේ හරහා තම පාක්ෂිකයන්ටම අවස්ථාව ලබා දීමකි. අනෙක් අතට පරාජිත අපේක්ෂකයන් හා සමාජය පිළිනොගන්නා කාරණා නිසා දේශපාලනයට පිවිසීමට අපහසු පුද්ගලයන් දේශපාලනයට කැන්දා ගෙන ඒමකි.
නමුත් ජවිපෙ ජාතික ලැයිස්තු අරමුණට වටිනාකමක් එක් කිරීමට කටයුතු කර අැති බවත් පාක්ෂිකයන් නොවන අයට පවා අවස්ථාව දීමට තරම් ඔවුන් ගෞරවාන්විතව කටයුතු කර අැති බවත් පැවසුවේය.ඒ යටතේ ජවිපෙ ජාතික ලැයිස්තුව තුළ ඉහළම වෘත්තිකයන්,විද්‍යාඥයන්,අධ්‍යාපනවේදීන්,සමාජ ක්‍රියාකාරීන් ලෙස තමන් අැතුළු පිරිසට අවස්ථාව දී අැති බවත් නිදහස් අධ්‍යාපනයේ අනුහසින් බිහිවූ පුද්ගලයන් ලෙස සමාජ සාධාරණත්වය සදහා මැදිහත්වී ක්‍රියාකිරීමට කටයුතු කරන බවත් පැවසුවේය.
තමන් අැතුළු පිරිසට වැදගත් සමාජ විනයක් හා ස්වයං විනයක් අැති බවත් කිසිම විටක අපිව දේශපාලන වශයෙන් මිලදී ගැනීමට නොහැකි බවත් ස්වාධීනව කටයුතු කරන පිරිසන් ලෙස ස්වාධීන බව යන්නෙන් අදහස් කරන්නේ හොද දේට හොදයි කීමත් නරක දේට නරකයි කීම බවත් පැවසුවේය.නිදහස් අධ්‍යාපනය ලැබීමේන් ලද පන්නරය යටතේ රට වෙනුවෙන් කැපවෙන බව ඔහු වැඩිදුරටත් පැවසුවේය.
පසුගිය කාල සීමාව තුළ ජවිපෙ පාර්ලිමේන්තුව තුළ අද්විතීය හඩක් නැගූ බවත් ඒ හඩ ඉතාමත් තීව්ර ලෙස ඉදිරියේදීද නැගෙන බවත් රට වෙනුවෙන් ඉටු කළ යුතු සියල්ල සදහා නොපිරිහෙළා මැදිහත්වෙන බවත් පැවසුවේය.
