රජය සතු කිසියම් වාහනයක් නිල බලය මත තබා ගෙන සිටින අමාත්‍යවරයෙකු, රාජ්‍ය අමාත්‍යවරයෙකු හෝ නියෝජ්‍ය අමාත්‍යවරයෙකු හට වුව ද අංකයක් ප‍්‍රදර්ශනය වන ස්ටිකර් හෝ තීන්ත ආලේප කිරීමක් එම වාහනවල කළ නොහැකි බවද මැතිවරණ කොමසාරිස්වරයා අවධාරණය කළේය.

මේ අතර මැතිවරණ සමයේ අවශ්‍ය අවස්ථාවක පොලිස් විශේෂ කාර්ය බලකාය කැඳවීමේ අවසරය පොලිස්පතිවරයා වෙත ලබාදුන් බව පැවසූ ඒ මහතා, අපරාධවලට සම්බන්ධ පුද්ගලයින් බන්ධනාගාරවලින් නිදහස ලැබීම, බන්ධනාගාර තුළ සිට ක‍්‍රියාත්මක වන පාතාල ක‍්‍රියා සහ අලූතින් ඇති විය හැකි එවැනි තත්ත්වයන් පිළිබඳව ද දැඩි අවධානයකින් පසුවන අදාල අංශවලට උපදෙස් දී ඇති බවද පැවසීය. මැතිවරණය සමයේ දී රජයේ ප‍්‍රධාන අමාත්‍යංශ 03ක සහ තවත් රාජ්‍ය ආයතන 03ක රැකියා ලබාදී ඇති බවට තොරතුරු වාර්තා වී තිබෙන බැවින් ඊට අදාලව ලේකම්වරයෙකු සහ සහකාර ලේකම්වරයෙකු සම්බන්ධයෙන් පරික්‍ෂණ අරඹා ඇතැයි ද ඔහු කියා සිටියේ ය.