"විලිලැජ්ජා නැති මිනිස්සු. මං කිව්වා මනුස්සායෝ මගේ එක ඩොලරයක් හරි තියෙනවා නම් ඔප්පු කරපං, පිහියක් අරං මගේ බෙල්ල කපා ගන්නව කියලා" මේ හිටපු ජනාධිපතිවරයා විසින් හොරණ ප්‍රදේශයේ දී එළි දක්වන ලද ඔහුගේ අදහසය.
පළමු කාරණය නම් මහින්ද මහතා මෙතරම් විස්වාසනීය ලෙස කියන්නේ ඔහුගේ සඟවන ලද මුදල් ඇත්තේ යූරෝ හෝ යුවාන් වැනි වෙනත් මුදල් ඒකකයකින් විය යුතුය. නැතිනම් මෙතරම් තදින් අපවෙත ඔට්ටු දමන්නේ නැත. අනෙක නම් ඒවා කෙසේවත් සොයාගත නොහැකි ලෙස සඟවා ඇති බවට වන්නා වූ ඔහුගේ විස්වාසයයි. ජනාධිපති වශයෙන් ඔහු රැස් කළ මුදල් ඊට පහළ කිසිවෙකුට මළාට සොයන්නට බැරි වෙන්නට පුළුවන.
එසේම මහින්ද රාජපක්ෂට කියන්නට ඇත්තේ, බෙලි කැපීම, බඩ කපා මුහුදේ දැමීම වැනි ක්‍රියාවන් අයත් වූයේ ඔබගේ පාලන ක්‍රමයට බවත් කිසිවෙක් දැනට ඔබගෙන් හෝ ගෙල කපා ගැනීමක් බලාපොරොත්තු නොවන බවත් ය. හැකිනම් මිනිසෙකු සේ ඔබ කළ ක්‍රියාවන්ට අදාළ දඬුවම් වලට මුහුණ දෙන්න, එදිනට, "මෙන්න දේශපාලනික පළිගැනීම් කරනෝ" යැයි නොකියන්න.
අනුකම්පාසහගත රටක් වශයෙන් එදිනට ඔබකෙරේ රට වැසියන් යමක් සිතනු ඇත. ඇත්තෙ න්ම පෙර සංඛ්‍යා අනුව බලත් නම් හොඳම දේ බෙල්ල කපා ගැනීම වන අතර ප්‍රභාකරන් පැරදූවායැයි කියන ඔබට එතරම් ඬෛර්යයක් නැතිවීම ගැන පුදුම නොවෙමි. එහෙත් මේ බෙලි කපන යුගය නැවතූ සමයයි. නම්බු පිටින් අධිකරණ ක්‍රියාදාමයකට ඉදිරිපත් වන්න. කැලෑ නීති අනවැසි බැවින් ඔබට විරුද්ධව චන්දය ප්‍රකාශ කළ අපට ඔබ ගෙල කපා ගනු දැකීමේ මේනියාවක්ද නැත.
