හිටපු පාර්ලිමේන්තු මන්ත්‍රී ඩිව් ගුණසේකර මහතා කෝප් කාරක සභාවේ හිටපු සභාපතිවරයායි. ප්‍රේම් ජයන්ත මහතා එහි සාමාජිකයකු වූ දෙදෙනාම ඉල්ලීම් කර ඇත්තේ ඔවුනට විරුද්ධව සේනසිංහ මහත පැවරූ නඩුවට විරෝධතා ගොනු කරමිනි.
කෝප් කාරක සභාවේ සාමාජිකයකු වූ ආචාර්ය රජීව් විඡේසිංහ මහතාද සේනසිංහ මහතාගෙන් එම නඩුවට අදාළව රුපියල් කෝටියක වන්දියක්‌ ඉල්ලා ඇත. මේ තිදෙනාම කියා සිටියේ සේනසිංහ මහතා තමන්ට එරෙහිව පැවරුවේ කිසිදු පදනමක්‌ නැති බොරු නඩුවක්‌ බවයි.
කෝප් කමිටු වාර්තාව ප්‍රසිද්ධියට පත් කිරීම තහනම් කරන්නැයි ඔහු එම නඩුවෙන් කළ ඉල්ලීම පසුව ඉල්ලා අස්‌කර ගත් බවත් ඔහු එසේ කළේ නඩුව තව දුරටත් ඉදිරියට ගෙන යැමට නොහැකි නිසා බවත් තිදෙනාම කියා සිටිති. එකී මුදල ඉල්ලා සිටින්නේ ඔවුන්ට එරෙහිව බොරු නඩුවක්‌ පැවරීමෙන් සිදු කළ අපහාසයට වන්දියක්‌ ලෙසිනි.
ඒ කෙසේ නමුත් කෝප් වාර්තව ප්‍රසිද්ධ කිරීම සඳහා දැන් සුජීව සේනසිංහගෙන් බාධාවක් නොමැති නමුත් මේවන තුරුත් මෙම කෝප් වාර්තාව ප්‍රසිද්ධ කිරීමට කිසිවකුත් කටයුතු කොට නැත.
