හිතවත් සභාපතිතුමනි,

ඔබතුමා විසින් එවන ලද 2015.08.12 දිනැති ලිපිය 2015.08.13 වන දින ලද බව දන්වමි.

එම ලිපියේ සඳහන් වෙනත් පාර්ශවයකින් ලද තොරතුරු මත කරනු ලබන පදනම් විරහිත විවේචන එකහෙළා ප‍්‍රතික්ෂේප කරමි. 2015 මහමැතිවරණය ඉලක්ක කරගනිමින් සඳහන් කරුණු අනුව පාර්ලිමේන්තුවේ ඒකාන්තර බහුතරයක් ලබාගන්නා බව සඳහන් කිරීම ගැන මම සතුටු වෙමි.

මා 2015.01.09 දින ජනාධිපති මැතිවරණ ප‍්‍රතිඵල නිකුත්වී අවසන් වීමට මත්තෙන් අරලියගහ මන්දිරයෙන් ඉවත්ව ගියේත් ඉන් දින කීපයක් තුළදී ශ‍්‍රී.ල.නි.ප. යේ සභාපති ධූරය හා පක්‍ෂය ඔබ වෙත භාර කළේත් ඔබතුමාගේ ඉල්ලිම මත මා විසින් ගත් තීරණයක් අනුවය.

එහෙත් 2015 පෙබරවාරි මාසය වන විට බහුතර පාක්‍ෂිකයන් හා ජනතාවගේ ඉල්ලීම, නැවත ක‍්‍රියාකාරී දේශපාලනයට පිවිසීමට මා පෙළඹවූ බව සිහිපත් කරමි. මා 2015 ජනවාරි මස 09 වන දින මහජන මතයට ගරු කළ අයුරින්ම ඔබතුමාද 2015 මහමැතිවරණයේ දී මහජන මතයට ගරු කරනු ඇතැයි අපේක්‍ෂා කරමි.

මේ අතර ශ්‍රීලනීපයේ ජේෂ්ඨ ඇමැතිවරුන්ද ජනාධිපති වෙත ලිපියක් යොමු කරමින් තමන්ව අගමැතිධුරයට නම් කිරීම සම්බන්ධයෙන් ස්තූති කර ඇත. එහෙත් තමන්ට එම තනතුර අවශ්‍ය නැති බව දන්ව ඇති අතර මෙම මැතිවරන ව්‍යාපාරය කරට ගෙන කටයුතු කළ මහින්ද රාජපක්ෂ මහතාට අගමැතිධුරය ලබා දිය යුතු බව ඉල්ලා තිබේ.