ජාතික ආණ්‌ඩුවක්‌ සෑදීමට කැබිනට්‌ ඇමැති ධුර 16 ක්‌ ශ්‍රීලනිපයට ලබාදීමට අගමැති රනිල් වික්‍රමසිංහ මහතා සිය පූර්ණ එකඟත්වය පළ කර ඇතත් ශ්‍රීලනිපයේ මුළු මන්ත්‍රී කණ්‌ඩායම ආණ්‌ඩුව සඳහා එක්‌ නොවුණහොත් එය ජාතික ආණ්‌ඩුවක්‌ නොවන බැවින් මේ සම්බන්ධව අර්බුදකාරී තත්ත්වයක්‌ මතුව ඇත.
ශ්‍රීලනිපයේ කොටසක්‌ විපක්‍ෂයේ අසුන් ගැනීමට කැමැත්ත පළ කර ඇතත් මෙයට එක්‌සත් ජාතික පක්‍ෂය විරෝධය පළකර ඇත්තේ එහිදී ජාතික ආණ්‌ඩුවක්‌ බිහි නොවන නිසාය.
මේ අර්බුද නිසා නව අමාත්‍ය මණ්‌ඩලය නම් කිරීම ගැටලුකාරී වී ඇත.
එක්‌සත් ජාතික පක්‍ෂයට කැබිනට්‌ ඇමැති ධුර 19 ක්‌ හා ශ්‍රීලනිපයට 16 ක්‌ ලබාදීමට තීරණය වී ඇත. මීට අමතරව රාජ්‍ය ඇමැති ධුර හා නියෝජ්‍ය ඇමැති ධුර ද ලබාදීමට නියමිතය.
divaina
