එම යෝජනාව අග්‍රාමාත්‍ය රනිල් වික්‍රම සිංහ මහතා විසින් ඉදිරිපත් කර ඇති අතර එහි දැක්වෙන්නේ එක්සත් ජාතික පක්ෂය විසින් ජාතික ආණ්ඩුවක් පිහිටුවා ඇති බැවින්, අමාත්‍ය මණ්ඩලයේ අමාත්‍යවරුන් සංඛ්‍යාව 48ක් නොඉක්මවිය යතු බවත්, අමාත්‍ය මණ්ඩලයේ සාමාජිකයන් නොවන අමාත්‍යවරුන්ගේ හා නියෝජ්‍ය අමාත්‍යවරුගේ සංඛ්‍යාව 45ක් නොඉක්මවිය යුතු බවත් ශ්‍රී ලංකා ප්‍රජාතාන්ත්‍රික සමාජවාදී ජනරජයේ ආණ්ඩුක්‍රම ව්‍යවස්ථාවේ 46(4) ව්‍යවස්ථාව ප්‍රකාර පාර්ලිමේන්තුව විසින් තීරණය කරනු ලබයි. යනුවෙනි.
ජාතික ආණ්ඩුවක ඇමැති මණ්ඩලයට පත් කරන සංඛ්‍යාව පාර්ලිමේන්තුවේ අනුමතයෙන් පත් කළ යුතු බවට 19 වැනි ව්‍යවස්ථා සංශෝධනයේ සඳහන් වන බැවින් එම අනුමතය ලබා ගැනීම සඳහා වන යෝජනාවක් හෙට (3) රැස්වෙන පාර්ලිමේන්තුවට ඉදිරිපත් කෙරෙන අතර මේ සඳහා විවාදයක්ද හෙට පැවැත්වීමට නියමිතය.
එමෙන්ම ඇමැති මණ්ඩලයේ දිවුරුම් දීම 04 වන දින පෙරවරු 11ට ජනාධිපතිවරයා ඉදිරියේදී සිදුකිරීමට නියමිත බවත් වාර්තාවේ. එහිදී කැබිනට් ඇමැතිරවුරු 33ක් එජාපයෙන් පත් කෙරෙන බවත් දැන ගැනීමට ඇත.
