පාඨලී චම්පික රණවක මහතා 7 වන පාර්ලිමේන්තුවේ ව්‍යවස්ථාදායක සභාවේද නියෝජිතයෙකු ලෙස කටයුතු කළේය.
චම්පික රණවක මහතා පාර්ලිමේන්තුවට පත් වූයේ එක්සත් ජාතික පක්ෂයේ නියෝජිතයකු ලෙසය. ඒ අනුව මෙම පත් කිරීමද මෙරට දේශපාලනයේ සුවිශේෂී අවස්ථාවකි.
මේ අතර අග්‍රාමාත්‍ය රනිල් වික්‍රමසිංහ මහතාගේ නියෝජිතයා ලෙස අමාත්‍ය විජයදාස රාජපක්ෂ මහතාත් පත්කර තිබේ.
19 වැනි ව්‍යවස්ථා සංශෝධනයට අනූව ව්‍යවස්ථාදායක සභාව නියෝජිතයින් 10 දෙනෙකුගෙන් සමන්විතය.
ඒ අනූව එයට නිල බලයෙන් පත්වන්නේ කථානායක, අගමැතිවරයා සහ විපක්ෂ නායකවරයාවරයාය.
මීට අමතරව ජනාධිපතිවරයාගේ නියෝජිතයෙකු, අගමැතිවරයාගේ නියෝජිතයෙකු සහ විපක්ෂ නායකවරයාගේ නියෝජිතයෙකු ද ව්‍යවස්ථාදායක සභාවට පත් කළ යුතු අතර ඒ අනූව ජනපතිගේ හා අගමැතිගේ නියෝජිතයින් දෙදෙනා ඉහත පරිදි නම් කර ඇත.
එසේම සුළු පක්ෂ නියෝජනය කරන නියෝජිතයෙකු සහ සිවිල් සාමාජිකයින් තිදෙනෙකු ද ව්‍යවස්ථාදායක සභාවට පත් කළ යුතුය.
ආණ්ඩුක‍්‍රම ව්‍යවස්ථාවේ 19 වැනි සංශෝධනය මගින් ස්ථාපිත කෙරුණු ස්වාධීන කොමිෂන් සභා 9 ක් ස්ථාපිත කොට සාමාජිකයන් පත් කිරීම ව්‍යවස්ථාදායක සභාවට පැවරී තිබේ.
ඊට අමතරව රජයේ තවත් ඉහළ තනතුරු ගණනාවකට පුද්ගලයින් පත් කිරීමද සිදු කළ යුතු වන්නේ ව්‍යවස්ථාදායක සභාව මගිනි.
