එමෙන්ම ආරක්ෂක තොරතුරු වාර්තා කරන මාධ්‍යවේදීන් කිහිප දෙනෙකුගෙන්ම අදාල ප්‍රධානින් මෙම පුවතේ සත්‍ය තාවයක් නොමැති බවට පුවත් වාර්තා කරන ලෙසද ඉල්ලීමක් සිදුව තිබේ.
ඒ කෙසේ නමුත් මෙම සිදුවීමට අදාල වීඩියෝ දර්ශන ද ඇති බවත් සාක්ෂි දීමටද පිරිසක් සූදානමින් සිටින බවත් දැන ගැනීමට තිබේ.
මෙම පුවත ඊයේ දිනයේදී හෙළිදරව් කරන ලද්දේ 'සත්හඬ' පුවත් පතේ ප්‍රධාන සිරස්තලය ලෙස වූවත් , ඊයේ දිනයේදී පුවත් පත් සිරස්තල කියවන මාධ්‍ය වැඩසටහන් රැසක් මෙම පුවත කියැවීමෙන් වැලැකී සිටීයේය. මේ පිළිබඳ අප කළ සොයා බැලීමකදී අනාවරණය වූයේ හමුදාවේ වැරදි ගැන කතා කිරීමට මෙම මාධ්‍යවේදින් තවමත් බියකින් පසු වීම නිසා මේ සිදුව ඇති බවය.
පසුගිය රාජපක්ෂ සමයේදී මෙවැනි තත්වයක් තිබුණු අතර ඊට අනුගතව කටයුතු කළ මාධ්‍යවේදින්ට තවමත් ඒ වහල් මානසිකත්වයෙන් මිදීමට නොහැකි වීම කණගා‍ටුදායක තත්වයකි.
