ඉන්දික ගුණවර්ධන මහතා, දිනේෂ් ගුණවර්ධන සහ ගීතාංජන ගුණවර්ධන යන මහත්වරුන්ගේ වැඩිමහල් සහෝදරයකු වන අතර එම පවුලේ වැඩිමහල් සහෝදරයා කොළඹ හිටපු නගරාධිපති ප්‍රසන්න ගුණවර්ධනය.
ඒ මහතා ශ්‍රී ලංකා කොමියුන්ස්ට් පක්ෂයේ නායකයකු මෙන්ම රැඩිකල් අදහස් දරූවකු ලෙසද ප්‍රකටය. අසූව දශකයේදී සාමාජවාදී විප්ලවය සඳහා ආයුධ සන්නද්ධ අරගලයක් වෙනුවෙන්ද උත්සහ ගත්තෙකි. 71 අරගලයට සම්බන්ධ වූ හා 83 පක්ෂ තහනමෙන් පසුව ඉවත් වූ ජනතා විමුක්ති පෙරමුණේ හිටපු නායකයන් පිරිසක්ද (ජවිපෙ නව ප්‍රවණතාවය), ශ්‍රි ලංකා කොමියුනිස්ට් පක්ෂයෙන් ඉවත් වූ 'සමාජවාදී ජනතා ව්‍යාපාරය' හා උතුරේ ප්ලොට් සංවිධානයද සමඟින් ගොඩනැගූ එම ව්‍යාපාරය අසාර්ථක වීමෙන් පසුව 'රාජ්‍ය විරෝධී කුමන්ත්‍රණ නඩු අංක 1' (1987)යනුවෙන් ඉන්දික ගුණවර්ධන මහතා හා පිරිසකට එරෙහිව ප්‍රකට නඩුවක්ද ක්‍රියාත්මක විය.චුදිතයන් 44 ක් විය. ඒ අතර වත්මන ගත් කතුවරයකු ලෙස ප්‍රකට ජයතිලක ද සිල්වා මහතාද විය. එමෙන්ම රොහන විජේවීර මහතාට අතිශය සමීපව සිටි එස් එම් කුමාරසිංහ නොහොත් කිරි මහත්තයාද වෘත්තිය සමිති ක්ෂේත්‍රයේ නායකයන් වු ගුණසේන ඩයස්, පොලියර් ගුණවර්ධන ද විය. මෙහි පළමු චුදිතයා වූයේ ජවිපෙන් වෙන් වූ ප්‍රකට චරිතයක් වන ගීගනගේ චන්දසිරි නොහොත් අසේල නොහොත් 'සමන්ත'ය.
ඒ කෙසේ නමුත් ඉන්දික ගුණවර්ධන මහතා ඇමැතිධුරය හෙබවූ චන්ද්‍රිකා යුගයේදි ඔහුගේ දේශපාලනයද පිහිහුණු අතර ඇමැතිවරයකු ලෙසද අසාර්ථක විය. ඉන්දික ගුණවර්ධන මහතාගේ පියා ප්‍රකට වාමාංශික දේශපාලකයකු වූ බොරළුගොඩ සිංහයා නමින් හැඳින්වූ පිලිප් ගුණවර්ධන මහතාය. මව තවත් ප්‍රකට වාමාංශික දේශපාලඥවරියක වූ කුසුමා ගුණවර්ධනය.
