එ් සිය මූලික අයිතිවාසිකම් උල්ලංගණය වූ බවට උතුරු පළාත් සභාවේ ප‍්‍රධාන ලේකම් විජයලක්ෂ්මි රමේෂ් මහත්මිය විසින් ගොනු කරන ලද පෙත්සමක් සැලකිල්ලට ගනිමිනි.

 මෙහි විනිසුරු මණ්ඩලය ලෙස අගවිනිසුරු මොහාන් පීරිස් , කේ. ශී‍්‍ර පවන් සහ රෝහිණි මාරසිංහ යන මහත්ම මහත්මීන් කටයුතු කළේය. 

 අදාළ පෙත්සමින් විජයලක්ෂ්මි රමේෂ් මහත්මිය ප‍්‍රකාශ කර තිබුණේ උතුරු පළාත් සභාවේ ප‍්‍රධාන අමාත්‍යවරයා විසින් නිකුත් කරන ලද නීති මාලාවක් සිය මූලික අයිතිවාසිකම් උල්ලංගණය කර ඇති බවයි. 


කෙසේ වෙතත් අදාළ නීති මාලාව මේ වන විට උතුරු පළාත් ප‍්‍රධාන අමාත්‍යවරයා විසින්ම ඉවත් කරගෙන ඇති නිසා එයින් පෙත්සම්කාරියගේ මූලික අයිතිවාසිකම් උල්ලංගණය වූයේ දැයි තීරණය කළ නොහැකි බව  ශ්‍රේෂ්ඨාධිකරණය වැඩිදුරටත් පැවසිය. 

 එ් අනුව සිය පළාත් සභාවේ කටයුතු කාර්යක්ෂමව පවත්වාගෙන යාමට කටයුතු කරන ලෙස විනිසුරු මණ්ඩලය දෙපාර්ශ්වයෙන්ම ඉල්ලා සිටියේය.

මෙම නඩුව තවදුරටත් විභාගයට නොගැනීමටද එහිදී තීරණය කෙරින.