මෙලෙස අල්ලසට වරප්‍රසාද වලට යටවූ මාධ්‍ය ආයතන හා දේශපාලකයන් සිටින බව් පසුගියදා ජවිපෙ නායක අනුර කුමාර දිසානායක මහතා චෝදනා කර තිබිණි. ඔහු ඇවන්ගාර්ඩ් සම්බන්ධ පරීක්ෂන කටයුතු විමසා පාර්ලිමේන්තුවේ කළ විශේෂ ප්‍රකාශය 'රාඩා' මුදල් වංචාවට චෝදනා ලබා සිටින ටිරාන් අලස් ගේ ( චෝදනාවට වරදකරු වී දේපල රාජසන්තක වේ යැයි බියෙන් මේවන විට මව්බිම පුවත්පත් ආයතනයේ අයිතිය තුෂාර ගුණරත්න මහතා වෙත පවරා ඇතැයිද වාර්තාවේ) 'මව්බිම' පුවත් පතෙහි පමණක් පල කර තිබිණි. මේ සම්බන්ධයෙන්ද අදහස් පළ කළ දිසානායක මහතා අන් මාධ්‍ය මේ පළ නොකලේ ඇවන්ගාර්ඩ් ආයතනයෙන් මුදල් ලබා ගෙන ඇති නිසා බවද මව්බිම පුවත් පතටම ප්‍රකාශ කර තිබිණි.
කෙසේ නමුත් පසුගිය සතියේ පැවැත්වූ කැබිනට් මණ්ඩල රැස්වීමේදීද මේ ප්‍රශ්නය දිගැහැරුණු අතර එහිදී ජනාධිපතිවරයා මෙම පරීක්ෂණ කටයුතු කිසිදු බලපැමකට යටත් නොවී සිදු කරන ලෙස අවධාරණය කර තිබිණි. ඇවන්ගාර්ඩ් ආයතනයෙන් මුදල් ලබා ගත් බවට එජාපයේ මෙන්ම ශ්‍රී ලනිපයේ ඇමැතිවරුන් කිහිප දෙනෙකු වෙත වෙබ් අඩවි කිහිපයකින්ම චෝදනා එල්ල කර තිබිණි.
ජනතා විමුක්ති පෙරමුණ මෙලෙස අල්ලසට යටවුණ මාධ්‍ය හා දේශපාලකයන් හෙළි කිරීමට සූදානම් වේ නම් ඒ මහත් ආන්දෝලනයකට තුඩු දෙන්නක් වීම වැලැක්විය නොහැක. එමෙන්ම දිසානායක මහතා මාධ්‍යට එල්ල කළ චෝදනාවද බරපතලය. ඒ ඔහු හෙළිදරව් කිරීම සිදු කළ යුතු බව මාධ්‍ය සංවිධාන නියෝජිතයන්ද අවධාරණය කරයි.
සැබැඳි පුවත් :පාවෙන අවිගබඩා ව්‍යාපාරය මහරාජාට ! රුවන් උගුලක, අර්ජුන ගිනි පිබියි, අනුර හොරි කසයි.
