කෙසේ නමුත් ශ්‍රි ලංකා රේගු දෙපාර්තමේන්තුව සම්බන්ධයෙන් එල්ල වෙමින් පවතින චෝදනා හේතුවෙන් මෙම තීරණය ගෙන ඇති බව පැවැසේ.
මේ අතර විදුලි සංදේශන නියාමන කොමිසන් සභාවේ (TRC) අධ්‍යක්ෂ ජනරාල් එම්.එම්. සුහයිර් මහතාව ජනාධිපතිවරයාගේ නියෝගයක් මත ඉවත්ත්කොට තිබේ.
ඊට හේතුව වී ඇත්තේ එම ආයතනයේ සිදු වූ අක්‍රමිකතා කිහිපයක් සම්බන්ධයෙන් ඔහු වගකිව යුතු බව සනාත වීම නිස බව පැවැසේ. විදුලි සංදේශ නියාමන කොමිසම රටේ සාමය හා සංහිඳියාව පදනම් කර ගත් චිත්‍රපටයක් සඳහා මිලියන හැත්තෑවක් ලබා දීම හා ගුවන් විදුලි සංඛ්‍යාත කිහිපයක් පෞද්ගලික නාලිකා කිහිපයකට නියමිත් ක්‍රියා පටිපාටියෙන් තොරව ලබාදීම ආදී චෝදනා කිහිපයක්ම ඔහුට එල්ල වී තිබේ. මේ සම්බන්ධයෙන් ජනධිපතිවරයා ඔහුට කිහිප වතාවක්ම අවවාද කර ඇති බවත් පැවැසේ. සුහයිර් මහතාව එම තනතුර සඳහා පත් කරනු ලැබුවේද ජනාධිපතිවරයා විසින්ය.
කෙසේ නමුත් එම ආයතනයේ ඇතැම් නිළධාරීන් පෙන්වා දෙන්නේ සුහයිර් මහතා යහපත් නිළධාරියකු බවත් ඔහුව මේ පි‍ටුපස මේ දිනවල ජනාධිපතිවරයාට සමීපව සිටින එක්තරා මාධ්‍ය හිමිකරුවකු විසින් උගුලකට හසු කර ඇති බවය. කෙසේ නමුත් හිටපු පාර්ලිමේන්තු මන්ත්‍රීවරයකුද වන සුහයිර් මහතා හිටපු ජනාධිපතිනිය වන චන්ද්‍රිකා බණ්ඩාර නායක මහත්මියගේ සමීපතමයකු ලෙස ප්‍රකටය.
