මානව හිමිකම් කඩවීම් පිළිබඳ විමසීම සඳහා පත් කරනු ලැබූ මැක්ස්වෙල් පරණගම සහ නිශ්ශංක උදලාගම කොමිෂන් සභා වාර්තා ප්‍රසිද්ධියට පත් කරන ලෙස කැෆේ සංවිධානයත්, ශ්‍රී ලංකා මානව හිමිකම් කේන්ද්‍ර‍යත් පසුගිය දිනවල රජයෙන් ඉල්ලීමක් කර තිබිණ.
එසේම මෙම වාර්තා ජිනීවා මානව හිමිකම් කොමිසමට ඉදිරිපත් නොකළ බවට ද විපක්ෂයේ දේශපාලන නියෝජිතයින් රජයට චෝදනා නඟන ලදී.
එකී වාර්තා ජිනීවා මානව හිමිකම් කොමිසමට ඉදිරිපත් නොකර ජිනීවා යෝජනා මත පදනම්ව යුද අපරාධ චෝදනා ගැන පරීක්ෂණ සිදුකිරීමට සුදානම් වන බවට විපක්ෂයේ දේශපාලන නියෝජිතයින් හා ඇතැම් සංවිධාන රජයට චෝදනා එල්ල කළේය.
එහෙත් මහින්ද රාජපක්ෂ මහතා ජනාධිපතිවරයාව සිටියදී පත් කළ මෙම කොමිෂන් සභා නිර්දේශවලත ඇත්තේ මෙරට මානව හිමිකම් සම්බන්ධයෙන් එක්සත් ජාතීන්ගේ මානව හිමිකම් කොමිසම ඉදිරිපත් කෙරුණු නිර්දේශයන් හා සමාන නිදේශයන් බව තතු දත්තො පවසති.
එමෙන්ම විදේශිය විනිසුරුවරයන්ගෙන් සමන්විත අධිකරණයක් මඟින් මෙරට යුධ අපරාධ සම්බන්ධයෙන් ක්‍රියා කළ යුතු බව 2014 වසරේදී මුලින්ම යෝජනා කර ඇත්තේද මහින්ද රාජපක්ෂ මහතා විසින් බවද අද දින අගමැති රනිල් වික්‍රමසිංහ මහතා පාර්ලිමේන්තුවේදි හෙළි කරන ලදී. එම යෝජනාව සම්බන්ධයෙන් තමන් මහින්ද රාජපක්ෂ මහතාට ප්‍රශංසා කරන බවද අගමැතිවරයා පැවැසීය.
