මෙහිදී සත්හඬ පුවත්පතට හා එහි හඬපටය මුදා හළ ලංකා ඩේලි වෙබ් අඩවියට එරෙහිවද කිර්ති නාමයට හානි කිරීම සම්බන්ධයෙන් වන්දි ඉල්ලා නඩු පැවැරීමටද එම පක්ෂය තීරණය කර ඇතැයි පැවසේ. මේ සම්බන්ධයෙන් එම පක්ෂයේ එජාපයට හිතවත් නීතිඥයකුගෙන් උපදෙස් ලබා ගෙන ඇති නමුත් ඔහු පෙන්වා දී ඇත්තේ උඩ බලාගෙන කෙළ ගසා නොගන්නා ලෙසය. එහෙත් මෙය මෑත කාලයේදී තම පක්ෂයට වූ බරපතලම හානිය වන බවත් එය තව දුරටත් සිදුවීම වලක්වා ගැනීමට නම් අධිකරණය වෙත යාම මේ මොහොතේ සිදුකළ යුතු බවත් එම පක්ෂ නායකයන් පෙන්වා දී තිබේ. ඒ අනුව විශාල වන්දියක් ඉල්ලා එන්තරවාසී යැවීමක් හෝ මේ මොහොතේ කළ යුතු බව පක්ෂයේ අදහසය.
එ කෙසේ නමුත් ගොඨාබය රාජපක්ෂ මහතා කළ ප්‍රකාශය අනුව එම රෙජීමය පැවැති වකවනුවේදී තමන්ට හිතවත් පුද්ගලයන්ගේ පෞද්ගලික එදිරිවාදිකම් වලට අනුවත් පුද්ගලයන් පැහැරගෙන යාම සිදු තිබෙන බව පැහැදිලිය. ගුණරත්නම් මහතාගේ අත් අඩංගුවට ගැනීම( පැහරගැනීම) සිදුව තිබෙන්නේද එවැනි වුවමනාවක් අනුව බව පැහැදිලිය. මෙලෙස තවත් සිදුවීම් සිදුව තිබිය හැකි බවද මේ අනුව පැහැදිලිය. සත්හඬ පුවත්පත සමන්ග පැවැති සාකච්ඡාවේදී රාජපක්ෂ මහතාම ඒ පිළිගෙන තිබිණි.
එ කෙසේ නමුත් මෙම ප්‍රශ්නය අධිකරණය වෙත රැගැන යාමට ජවිපෙ කටයුතු කරන්නේ නම් පසුගිය කාලයේ වූ තවත් ආන්දෝලනාත්මක සිදුවීම් ගනනාවක් හෙළිදරව් කර ගැනීමටද ඉන් ඉඩක් පාදා ගැනිමේ හැකියාව තිබේ. මෙම සිදුවීමට අදාලව වුවත් රාජපක්ෂ රෙජීමය නීතියට එපිටින් ගොස් පුද්ගලයන් පැහැර ගැනීමටත් කටයුතු කළ බව සනාත කළ හැකිය. එමෙන්ම මෙම සිද්ධියේදී රාජපක්ෂ මහතාත් පොලිස් මාධ්‍ය ප්‍රකාශකවරයාත් එදා රට හමුවේ බොරු බේගල් රැසක් ඇද බෑවේය.
