ඊට අමතරව එම ව්‍යාපාරය සම්බන්ධයෙන් ආරක්ෂක අමාත්‍යංශයේ නියාමනය සම්බන්ධයෙන් වැඩි මැදිහත් වීමක් සිදු කෙරෙණු ඇති බවත් පැවසේ. එමෙන්ම මෙම ව්‍යාපාරයට අදාලව වන නීතී රීතීන්වල වෙනස්කම් කිහිපයක්ද අලුත් ගිවිසුම්වලට එළඹිමක්ද සිදුවනු ඇති බවත් පැවැසේ.
පෙර පැවැති නීති රීතීන් අනුව එම ව්‍යාපාරයට අවසර ලැබී ඇති බවත් එම ව්‍යාපාර ආයතනයද එම නීති රීති අනුව ක්‍රියාත්මක වී ඇති බවත් පෙනී ගොස් ඇත. කෙසේ නමුත් දැනට වන පරීක්ෂණ කටයුතු අත් හි‍ටුවීමට තීරණයක් ගෙන නොමැත. ඇතැම් විට අධිකරණමය ක්‍රියාමාර්ගයක් ගෙන සමතයකට පත්වීමක් අපේක්ෂා කළ හැකි බවත් මේ සම්බන්ධයෙන් රජයේ ස්ථාවරය මෙම සතිය තුලදී ප්‍රකාශයට පත් කෙරෙනු ඇති බවත් එම ආරංචි මාර්ග පවසයි.
මේ අතර පොලිස් දෙපාර්තමේන්තු ආරංචි මාර්ග පවසන්නේ මේ වන විට මේ ගැටළුව සම්බන්ධයෙන් පවතින්නේ 'ඩීල් 'දේශපාලන ආරවුලක් පමණක් බවය. විශේෂයෙන්ම රජයේ ඉහළම බලවතකුගේ හා ඇමැතිවරු දෙදෙනකුගේ බලපෑම මත මෙම පරීක්ෂණ කටයුතු අවසන් කිරීමට තමන්ටද නොහැකිව තිබෙන බව එම පොලිස් දෙපාර්තමේන්තු ආරංචි මාර්ග පවසයි.
ඇවන්ගාඩ් පරීක්ෂණයට දේශපාලන අධිකාරියේ බලපෑම මත විශේෂ අවධානයක් දැරීමට සිදුවීම නිසා කෙරෙමින් පැවැති වෙනත් අපරාධ පරීක්ෂණ ගනනාවක පරීක්ෂණ කටයුතු අතර මඟ නැවැතී ඇති බවත් ඊට හේතුව ඉතා සුළු නිළධාරීන් පිරිසකගෙන් මේ සියළු පරීක්ෂණ කටයුතු සිදු කිරීමට සිදුවීම නිසා බවත් එම තොරතුරු මාර්ග වැඩිදුරටත් පවසයි.
