ඒ අනුව ඔහුගේ හිත මිතුරු ලාෆ් ගැස් අධිපති ඩබ්ලිව්.කේ.එච්.වැගපිටිය මහතාව ටෙලිකොම් අධ්‍යක්ෂක මණ්ඩලයට පත් කොට ඇති අතර. වෑගපිටිය මහතාගෙන ව්‍යාපාරික සහකරුවකු වන හෙෂාන් ද සිල්වා මහතාව මොබිටෙල් අධ්‍යක්ෂක මණ්ඩලයට පත් කොට තිබේ. ඒ තුසිත හල්ලොළුව මහතා ඉවත් කිරීමෙන් වූ පුරප්පාඩුව වෙනුවෙනි.
හෙෂාන් ද සිල්වා මහතා තවමත් 26 හැවිරිදි වියේ පසුවන ව්‍යපාරිකයකු වූවත් ඔහු මේ වන විට 'බිලියන්' පතියකු ලෙස සැලකේ. කෙන්යානු රාජ්‍යය සිය ව්‍යාපාරික මුලස්ථානය ලෙස පවත්වාගෙන යන සිල්වා මහතා මේවන විට විවිධ ව්‍යාපාර 17,000 ක පමණ මුදල් ආයෝජය කර ඇති බව පැවසේ. එසේම අමරිකාවේ නිව්යෝක් නුවර හෙජ් අරමුදල් දෙකක ඩෝලර් බිලියන 2කට ආසන්න මුදලක් ආයොජනය කර ඇති බවද පැවසේ. මෙරට ලාෆ් ආයතනයේ සාමාන්‍යාධිකාරීවරයකු ලෙසද ඔහු කටයුතු කරයි.
කෙසේ නමුත් පසු ගිය ආණ්ඩු සමයේදි වූ බිලියන ගනනක ගල් අඟුරු වංචාව සම්බන්ධයෙන්ද ඔහුගේ නම කියවෙයි.
ඔහුගේ ව්‍යාපාර ආරම්බය හා එය වසර 7 ක තරම් කෙටි කාලයක් තුලදී මෙතරම් දියුණු වූයේ කෙසේද යන්න පැහැදිලි නැත. මේ සම්බන්ධයෙන් ජාත්‍යන්තර මාධ්‍ය පවා අවධානය යොමු කර ඇත.
ඔහු අමරිකාවේ අධ්‍යාපනය ලබා ඇති අතර ඔහුගේ ප්‍රථම ව්‍යාපාරය වූ ‘සිල්වා ගෘප්‘ නම් ව්‍යාපාරික ආයතනය ඩොලර් 200 ක තරම් සුළු මුදලකින් කෙන්යාවේදී ආරම්බ කර තිබේ. ඔහු කෙන්යාවේ ජනප්‍රියතම තරුණ ව්‍යවසායකයකු වන අතර ව්‍යාපාරික සම්මාන ගනන්නාවකම දිනාගෙනද ඇත.
