වසන්ත නවරත්න මහතා විසින් ඇවන්ගාඩ් සමාගමට අයත් මහනුවර පාවෙන අවි ගබඩාව සම්බන්ධයෙන් පසුගිය අගෝස්තු මසයේදී නීතිපතිවරයාට ලබා දුන් වාර්තාව එම දිනවලම මාධ්‍යයට අනාවරණය වූ අතර විපක්ෂයේ ප්‍රධාන සංවිධායක අනුර කුමාර දිසානායක මහතා පාර්ලිමේන්තුවේදි ද හෙළි කරන ලද්දකි.
එහෙත් මේ හදිස්සියේම පිළුණු පුවත මාධ්‍යය කිහිපයකම නැවත පළවීම සම්බන්ධයෙන් අප කළ සොයා බැලීමකදී දැන ගනට ලැබුණේ ඇමැති පාඨලී චම්පික රණවක මහතා විසින් කළ මෙහෙයුමක් බවය. ඇමැතිවරයා ,මෙම පුවත් ලංකාදිපයේ පල කර දෙන මෙන් දේශය පුවත්පතේ කර්තෘ රංජිත් ආනන්ද ජයසිංහ මහතාට ලබා දී තිබේ. එහෙත් මේ පරණ පුවතක් බවත් එම වාර්තාවට පසුව තව බොහෝ දේ සිදුව ඇති බවත් කියමින් ඔහු ඒ ප්‍රතික්ෂේප කර ඇත. පසුව ඇමැතිවරයාගේ මාධ්‍ය ඒකකය විසින් මෙම පුවත සමාජ ජාලාවලට හා අනෙක් මාධ්‍ය ආයතන වලට යොමු කර ඇත. අද දින ලංකාදීප පුවත් පතෙහි මුල් පිටුවෙහි මෙම පුවත පළ වන්නේ ගනුදෙනුවක ප්‍රතිපළයක් ලෙසය.
ඇවන් ගාර්ඩ් සිදුවීම අරබයා ඇමැති චම්පික රණවක මහතාද එම හිමිකරුගෙන් මුදල් ලබා ගත් බව එම සමාගමේ හිමිකරු සත්හඬ පුවත් පතට පසුගියදා හෙළිකර තිබිණි. අපට ලැබී තිබෙන තොරතුරු අනුව ඇවන්ගාඩ් හිමිකරු තමුන්ගෙන් මුදල් ලබා ගත් ඇමැතිවරුන් ගැන තවත් ආන්දෝලනාත්මක තොරතුරු රැසක් ඉදිරියේදී හෙළි කිරීමේ සූදානමක සිටී.
