පසුගිය දෙසැම්බර් 05 වන දින ඉස්ලාමාබාත් නුවර පැවැති ආරක්ෂක අංශ සම්බන්ධ ප්‍රදර්ශනයක් සඳහා ශ්‍රි ලංකාව වෙනුවෙන් වූ ප්‍රදර්ශන කුටියකට අවශ්‍ය ඡායාරූප ආදිය එරට ශ්‍රී ලංකා කොමසාරිස් කාර්යලයේ ආරක්ෂක අංශ උපදේශක බ්‍රිගේඩියර් සෙනරත් බණ්ඩාර මහතා මඟින් කැප්පෙටිවලාන මහතා ලබා ගෙන ඇත. එහෙත් එම ඡායාරූප නැවත ලබා දීම සිදු නොකිරීම නිසා ඒ නැවත ලබා දෙන ලෙස බණ්ඩර මහතා කිහිපවතාවක් දැනුම් දී තිබේ.
ඉන් පසුව මීට දින කිහිපයකට පෙරදා රාත්‍රියක බණ්ඩාර මහතාගේ නිවස්ට බීමතින් පැමිණි කැප්පෙටිවලාන මහතා එහි දොරවල් කඩා භාණ්ඩ බි ඳදමා මරණිය තර්ජන සිදු කර ඇත. විශෙෂයෙන්ම විදේශ තානාපති කාර්යාල නිළධාරීන් වෙනුවෙන් වෙන් කර තිබෙන නිවාස ඇති කලාපයක මෙම නිවස පිහිටා ඇති අතර එදින රාතියෙහි වූ මේ කලහය නිසා තව විදේශ රාජ්‍ය කිහිපයකම නිලධාරීන් මේ බෙරුමක් කිරීම සඳහා මැදිහත්ව ඇති බවත් පැවසේ.
කෙසේ නමුත් මේම සිදු වීම සම්බන්ධයෙන් පරීක්ෂණයක් පැවැත්විය යුතු නමුත් මේවන විට ආරක්ෂක අමාත්‍යංශය, විදෙශ කටයුතු අමාත්‍යංශය මෙම සිදුවීම යට ගැසීමේ උත්සාහයක නිරතව සිටී. එයට හේතුව වී ඇත්තේ මෙම කැප්පෙටිවලාන මහතා ෆීල්ඞ් මර්ෂල් සරත් ෆොන්සේකා මහතාගේ අතිශය සමීපතයකු වීමය. එමෙන්ම පසුගිය රාජපක්ෂ පාලන සමයේදී ෆොන්සේකා මහතාගේ සිදුවීමට සම්බන්ධව ඔහුගේ වැඩ තහනමට ලකව තිබූ අතර නැවත සේවයෙහි පිහිටුවනු ලැබුවේ වත්මන් ආණ්ඩුවය.
