කෙසේ නමුත් තනාපති අංශ නිලධාරියකුට හිමි වරප්‍රසාද භාවිතා කොට මෙම ජාන මෙරට ක‍ටුනායක ගුවන් තො‍ටුපොලින් හොර රහසේ ජපානයට රැගෙන යාම මොහු විසින් පෞද්ගලිකවම මැදිහත් වී සිදු කර තිබේ. මේ වෙනුවෙන් ජපාන සමාගමක් ඔහුට මිලියන් ගනනින් ගෙවීම් සිදු කර තිබෙන බවද අනාවරණය වී ඇත.
වසර ගනනාවක් පුරා සිදුව තිබෙන මෙම ජාන මංකොල්ලය සැලසුම් කර ඇත්තේ 2012 වසාරේදී මෙරට මුහුදු පැලැටි හා ජලජ ජීවී සංවර්ධනය මුල් කොටගෙන ජපානය හා සිදු කෙරුනු ව්‍යාපෘතියක් අතරතුරදීය. මෙම ව්‍යාපෘති සඳහා එවකට ධීවර ඇමැතිව සිටි රාජිත සෙනාරත්න මහතාගේ හා දේශිය වෛද්‍ය ඇමැතිව සිටි සාලින්ද දිසනායකගේ පූර්ණ සහය ලැබී තිබේ. එම කාලයේදී 'ටුනා කින්' නැමැති ජපාන ව්‍යාපාරිකයා මෙරටට ගෙන ආවේද මොහු විසින්ය.
මේ සම්බන්ධයෙන් මේවන විට ඉහළ මට්ටමේ පරීක්ෂණයක් අරම්බ වී ඇති බවත් දැනගන්නට ලැබී තිබේ. එහෙත් යහපාලන රජයේ නීතිය අතට ගෙන කටයුතු කරන ප්‍රබලයන්ගේ සහය ඔහු හට ලැබී තිබෙන බැවින් මෙම පරීක්ෂණ වලින් කිසිවක් සිදු නොවනු ඇති බව එජාපයට සම්බන්ධ දේශපාලන ආරංචි මාර්ග පවසයි.
