ආණ්ඩුක්‍රම ව්‍යවස්ථාවේන් බුද්ධාගම රැකීමටත් ඊට ප්‍රමුඛස්ථානය ලබා දීමත් සහතික වී ඇති බැවින් ආණ්ඩුවට අවශ්‍ය නම් බුදුන් දෙසූ විනය පිටකයම රටේ පිළිගත් නීති පද්ධතියට ඇතුලත් කිරීමේ හැකියාවද තිබේ. මේ නිසා මෙම නව පනත් කෙ‍ටුම් පතට කිසිදු භික්ෂුවකට එනම් නියම බෞද්ධ භික්ෂුවකට එරෙහි විය නොහැක. තක්කඩි කහකඩයන් පමණක් මෙහිදි විවිධාකාර විරෝධයන් දැක්වීමට පෙරට එනු ඇති අතර ඒ පරාජය කිරීමේ හැකියාව බෞද්ධ භික්ෂූන් සතුවනු ඇත.
මේ නිසා මෙම පනත් කෙටුම්පත සම්මත කර ගැනීම සඳහා මේ බෞද්ධ රාජ්‍යයක් විය යුතු බවට අරගල කරන සියලු බෞද්ධ ජනතාවගේ සහය කොන්දේසි විරහිතව ලබා දිය යුතුය. විශේෂයෙන්ම 'සිංහ ලේ' ඇතැයි කියන සිංහල බෞද්ධ වර්ගවාදීන් මේ වෙනුවෙන් දිවි හිමියෙන් සටන් කළ යුතුය. ඒ සඳහා ලංකා ඩේලි වෙබ් අඩවියේ සහයද නොමසුරුව ලබා දෙනු ඇත.
වර්තමානයේ ශ්‍රී ලංකාවේ සමාජ සංවර්ධනයට බාධා කරන පිලිකාවක් මෙන් බලපා ඇත්තේ මේ කහකඩයන්ගේ කාලකණ්නි වැඩ පිලිවෙලය. මේ පරාජය කරන තුරු මේ රටට වගතුවක් ඇත්තේ නැත. එහෙත් තව දුරටත් ඇතැම් දේශපාලන නායකයන් මේ කාලණ්නිගේ කීම් බහට බිය වී තීන්දු තීරණ ගන්න ස්වභාවයක්ද දකින්න්ට තිබේ. කොහොම නමුත් මේ නව පනත් කෙ‍ටුම් පත මේ කහකඩයන්ට එරෙහිව ගෙන ආ පනතකට වැඩිය රටේ අභිවෘද්ධිය තකා සිදු කෙරුණක් බව පෑසිය යුතුය.
මෙම පනත් කෙටුම්පත මඟින් භික්ෂූන් වහන්සේලා ශාස්ත්‍රකීම හෝ ගුප්ත විද්‍යාවල නිරතවීම හෝ එවැනි දේට ප්‍රචාරය ලබාදීම, වෙළෙඳ, ව්‍යාපාරික කටයුතුවලට සම්බන්ධවීම, රියදුරු බලපත්‍ර ලබා ගැනීම හා රිය පැදවීම ද මේ නව පනත යටතේ නීතිවිරෝධී කියාවක් වනු ඇත.
අදාල පනතට අනුව භික්ෂූන්ට සමාජ සේවා, ආගමික හෝ අධ්‍යාපන කටයුතුවල හැර වෙනත් අංශවල රජයේ හෝ පෞද්ගලික රැකියාවල නිරතවිය නොහැක.එසේම ප්‍රසිද්ධ ස්ථානවල බෞද්ධ භික්ෂුනමකට අකැප අයුරින් හැසිරියද නොහැකිය.
මෙවැනි වැරදි සිදුකරණ භික්ෂුවකට සංඝාධිකරණයක් මගින් පිරික්ෂාකර බලා භික්ෂුභාවයෙන් ඉවත් කිරීම දක්වා දඞුවම් කළ හැකිය. එම නියෝග පිළි නොපදින අයකුව මහේස්ත්‍රාත් වරයකුට රැපියල් 50,000ක දඩයක් හෝ සය මසක සිර දඬුවම්ක් ලබාදීමේ හැකියාව ලැබෙන බවද පැවසේ.
නිකායක් විසින් සංඝාධිකරණයකින් වරදකරු කළ භික්ෂුවකට වෙනත් නිකායක භික්ෂුභාවය ලබාගත නොහැක.ඊට අමතරව භික්ෂුන්ගේ සිවුරේ වර්ණය ත්‍රෛයිනිකායික හිමිවරුන්ගේ තීරණය පරිදි නියම කිරීමට ද මේ පනතේ විධිවිධාන යොදා ඇත.
මෙය “ථෙරවාදී භික්ෂු කතිකාවක් ලියාපදිංචි කිරීමේ ජනතා කෙටුම්පත ලෙස ඊයේ (13) පාර්ලිමෙන්තුවට ඉදිරිපත් කෙරුණි.
