විශ්වවිද්‍යාලයේ අධ්‍යයන සහ අනධ්‍යයන කාර්ය මණ්ඩල බඳවාගැනීමේදී දේශපාලන බලපෑම් නැතිබව කියන්නට කිසිවෙකුටත් නොහැකිය. තිරය පිටුපසින් බලපෑම් තිබුණත් එළිපිට ලිපි යවා උපකුලපතිවරුන්ට, පීඨාධිපතිවරුන්ට හෝ අංශාධිපතිවරුන්ට බලකෙරෙන තත්ත්වයකට මෙතරම් කාලයක් රජයක් නොවැටී සිටි නමුත් කිරිඇල්ලලාට ඇමතිකම් දුන් යහපාලන ආණ්ඩුව අද ඒ තත්ත්වයට පත්ව ඇත.
කැළණිය විශ්වවිද්‍යාලයේ අංශාධිපතිවරයෙක්ට ලක්ෂ්මන් කිරිඇල්ල ඇමතිවරයාගේ නිල ලිපි ශීර්ෂය යටතේ අත්සනද සහිතව යවනු ලැබූ ලිපියක සඳහන් වන්නේ ඇමතිවරයාට හිතවත් පුද්ගලයෙකු කථිකාචාර්යවරයෙක් ලෙස බඳවාගැනීම සඳහා කරන බලපෑමකි. මෙහි බරපතලම කාරණය වන්නේ කිරිඇල්ල ඇමතිවරයා විශ්වවිද්‍යාල අධ්‍යාපනය බාර ඇමතිවරයා වීමයි. මෙය සත්‍ය ලෙසම සිදුව ඇතිනම් කිසිසේත්ම ඉවතදැමිය හැකි සිදුවීමක් නොවේය. යහපාලනය ගැන පම්පෝරි ගහන කිරිඇල්ලලා මෙවන් වූ තත්ත්වයකට වැටීම තුළින් රාජ්‍ය යාන්ත්‍ර‍ණයට මොවුන්ගෙන් සෘජු සහ වක්‍ර‍ලෙස කොතරම් බලපෑමක් එල්ලවන්නේද යන්න පැහැදිලිවේ.
ඒ නිසා යහපාලන රජයට විනයක් ඇතිබවක් පෙනෙන්නට නැත. නමුත් අපේ අභිියෝගය වන්නේ නමට යහපාලනයක් පෙන්වනවාට වඩා මෙවැනි අන්ත නින්දිත ක්‍රියාවන්ට එරෙහිව මේ ආණ්ඩුව ක්‍රියාකරන බව හැකිනම් භාවිතාවෙන් ඔප්පුකර පෙන්වන ලෙසයි.
cia.lk
