ශ්‍රී ලංකාවේ සිදුවන දැවැන්ත පරිසර විනාශය හා ඒ වත්මන් පාලකයන් විසින්ද නොතකා හැරීම සම්බන්ධයෙන් පසුගිය කාලය පුරා දැඩි විවේචනයට ලක් වූ අතර ඒ සම්බන්ධයෙන් කරන ලද පැමිණිලි හෝ නොතකා හැර තිබේ. මෙහිදී විශෙෂම කරුණ වන්නේ වත්මන් පරිසර ඇමැතිවරයා වන්නේද ජනාධිපති මෛත්‍රීපාල සිරිසේන මහතා වීමය. ඔහු විසින් වත්මන් පාලන කාලය තුල පවරාගෙන තිබෙන ඔහුගේ රාජකාරි අතර පරිසරය සු‍රැකීම කියන කාරනයද ඇතුලත් අතර ඒ වෙනුවෙන් ජනාධිපති කාර්ය සාධක බලකායක්ද පිහි‍ටුවා ඇත. එමෙන්ම ජනාධිපතිවරයා විසින් පරිසරය රැකිම ගැන උද්වේග කර කතා නිරන්තරයෙන් ප්‍රසිද්ධ වේදිකාවන් හී සිදුකරනු ලැබුවද මේ දක්වා පරිසරය රැකීම සම්බන්ධයෙන් කිසිදු සාධනීය පියවරක් ගෙන නොමැත. පරිසරය විනාශ කරනු ලබන තක්කඩි ව්‍යාපාරිකයන් සියලු දෙනාම ජනාධිපතිවරයා වටා හිඳිමින් ඔහුගේ දේශපාලන ගමනට උදව් කිරීම තුල පරිසරය සු‍රැකීම වේදීකාවල ජනප්‍රිය කතා වලට පමණක් සීමාවී ඇත.
මේ තත්වය තුල තව දුරටත් වත්මන් පාලකයන්ගෙන් පරිසරය ආරක්ෂා කිරීම සම්බන්ධයෙන් කිසිදු බලාපොරොත්‍ටුවක් තැබිය හැකිව නැත. සියල්ල මාධ්‍ය සංදර්ශනවලට පමණක් සීමාවී පවතී. මේ තත්වය මත ශ්‍රී ලංකාවේ පාරිසර විනාශය සම්බන්ධයෙන් සැබෑ තතු යුරෝපා පාර්ලිමේන්තුවට දැනුම් දී ඒ සම්බන්ධයෙන් යම් බලපෑමක් වත්මන් පාලකයන් වෙත සිදු කිරීම විය යුතු බවට සොබදහම් අධ්‍යයන මධ්‍යසථානය ගත් තීරණය අනුව මෙම වාර්ථාව යොමු කෙරෙනු ඇත.
කෙසේ නමුත් ජනාධිපතිවරයා සම්බන්ධයෙන් ජාත්‍යන්තරව ගොඩ නැගී ඇති ව්‍යාජ ප්‍රතිරූපය විනාශ වී යාමට තව වැඩි කලක් ගත නොවනු ඇති බව මෙවැනි ක්‍රියා මාර්ග වලින් පැහැදිලිය. විධායක ජනාධිපතිවරයා ලෙසත් ඔහු විසින්ම පවරා ගනු ලබූ පරිසර විෂය සම්බන්ධයෙන් දක්වන් අලස හෝ තක්කඩි ප්‍රතිපත්තිය මෙරට කවර අකාරයේ සංවර්ධන දිශාවකට යොමු කළද රටක් විදිහට ජයග්‍රහණයක් ලැබිය හැකිවන්නේ නැත.
