ඒ අනුව මෙහි දැක්වෙන ඡායාරූපවල දැක්වෙන ආකාරයේ පුද්ගලයන් සම්බන්ධයෙන් නිවැරදි තොරතුරු ඔබ දන්නේ නම් දුරකථන අංක 071 859 1753 හෝ 071 859 1770 වෙත හෝ ෆැක්ස් අංක 011 244 0158 හෝ 011 238 0380 වෙත දන්වන මෙන් පොලීසිය මහජනතාවගෙන් ඉල්ලා සිටී.

පලමු ඡායාරූපයේ ඇති තැනැත්තා වයස 35ක් පමන උස අඩි 5.08 පමණ වන ඇස් දුඹුරු පැහැ සුදු පැහැති පිරිපුන් ශරීරයක් සහිත අයැකි. දෙවන රූපයේ උඩු ‍රැව්ලක් සහිත  දැක්වෙන තැනත්තා  වයස අවෞරුදු 45ක් පමණැති උස අඩි 5.10 ක පමණ වන මහත සිරුරකින් යුතු කළු පැහැ අයෙකි.

කෙසේ වෙතත් මෙම ඝාතනය යුධ හමුදා බුද්ධි අංශ සාමාජික්යන් විසින් සිදු කර තිබෙන බව මේවන විට අනාවරණය කරගෙන ඇති අතර ඒ සඳහා වෙන වෙනම කණ්ඩායම් කිහිපයක්ම යොදවා සිටි බවත් හෙළිව තිබේ. හමුදා බුද්ධි අංශයේ මේජර් අන්සාර් නැමැත්තෙකු මේ සියල්ල මෙහෙයවු බවද පැවැසෙන නමුත් මෙම ඝාතනය සිදු කිරීමට නියොග කළේ කවර බලවතකුද යන්න මෙතෙක් අනාවරණය වී නැත. මෙම සතිය තුලදිද මෙම ඝාතනයට සම්බන්ධ සුවිශේෂී සාක්ෂිකරුවකු අත් අඩංගුවට ගැනිමක් සිදුවන බව පොලිස් ආරංචි මාර්ග පවසන් අතර මේ වන විටත් ඒ සම්බන්ධයෙන් නීතිපතිවරයාගෙන් උපදෙස් ලබා ගනිමින් තිබෙන බවත් දැන ගැනීමට තිබේ.