රාජපක්ෂවරුන්ගේ මුල්‍ය වංචාවන් ඉතා සූක්ෂමව කෙරී ඇති බැවින් ඒ වෙනුවෙන් විදේශ විශේෂඥ සහය හා පුහුණුවද මෙම ඒකකයේ පොලිස් නිළධාරීන්ට ආණ්ඩුව විසින් ලබා දුන් නමුත් විමර්ශනය කරන ලද ඇතැම් සිදුවීම සම්බන්ධයෙන් චූදිතයන්ට නීතියෙන් නිදහස්වීමට අවශ්‍ය ලෙස එම විමර්ශන තොරතුරු නිසියාකාරයෙන් අධිකරණයට ඉදිරිපත් නොකර චූදිතයන්ට ඉන් ගැලවීමේ මාර්ගයන් විවෘත කර තිබෙන බවට පසුගිය කාලයෙහි බරපතල සැකයක් පහල වී තිබිණි. ඒ අනුව කළ සොයා බැලීමකදී මෙම කොට්ඨශයේ ප්‍රධානියකු ඉතා සූක්ෂම ලෙස රුපියල් මිලියන ගනනින් කප්පම් ලබා ගෙන තිබෙන බව පොලිසිය විසින්ම අනාවරණය කරගෙන තිබේ. මෙම කප්පම් ගනු දෙනු විදේශීය රටවලදි සිදුව තිබෙන බවත් අනාවරණය වී තිබේ.
මේ අනුව මෙම නිළධාරියාව ඉන් ඉවත් කිරීම සිදුවිය යුතු නමුත් මුල්‍ය අපරාධ විමර්ශනය සම්බන්ධයෙන් මෙරට පොලීසියේ සිටින දක්ෂතම නිළධාරියකු වීම නිසා එම තත්වය පාලනය කර ගැනිමේ ගැටලුවකට ආණ්ඩුවද මුහුණ දී ඇති බව පැවසේ.
විමර්ශන අවසන් කර නෛතික කටයුතු වෙනුවෙන් නීතිපති දෙපාර්තාමෙන්තුවට FCID ය විසින් ලිපි ගොනු විශාල සංඛ්‍යාවක් ලබා දී තිබුණද ඒවා අධිකරණයට ඉදිරිපත් කිරීම සම්බන්ධයෙන් ප්‍රමාදයට හේතුව වී ඇත්තේද මෙම විමර්ශනවල පවතින අඩුපාඩු බවද එම දෙපාර්තමෙන්තු ආරංචි මාර්ග පවසයි.
රාජපක්ෂවරුන්ට හා ඒ හිතවතුන්ට අධිකරණය හමුවේ ගැලවීමේ අවස්තාව උදා වෙමින් තිබෙන්නෙ ඒ අනුව බව මේ වන විට පැහැදිලිව තිබේ. පසුගියදා ක්‍රිෂ් ආයතනයෙන් මිලියන 70 ක ලබාගෙන පෞද්ගලික පරිහරණයට යොදා ගැනීම සම්බන්ධයෙන් නාමල් රාජපක්ෂව අත් අඩංගුවට ගැනීම අරබයා වන FCID යේ තර්කය ප්‍රාණවත් නොවීම මේ සඳහා ආසන්නතම උදාහරණයකි.
