මෙම තොරතුරු CIA.lk නම් වෙබ් අඩවියක පලවීමෙන් පසුව පරළ වී ඇති ගොඨාභයගේ වෘෂණ පිරිමදින්නන් .lk ඩොමෙන් ලියාපදිංචි කරන කාර්යාලයට කතා කොට මෙම වෙබ් අඩවියේ හිමිකරුවන් කවුද යන්න විමසා ඇති බවත් විදුලි සංදේශ නියාමන කොමිසමේ හා අන්තර්ජාල පහසුකම් ලබා දෙන සමාගම් වල සිය පැරණි හිතවතුන් අමතා එම වෙබ් අඩවිය ක්‍රියා විරහිත කිරීමට හෝ ගත හැකි පියවරයන් ගැන විමසා ඇති බව අප වෙත දැන ගැනීමට තිබේ. එමෙන්ම රාජපක්ෂවරුන් වෙනුවෙන් පවත්වාගෙන මඩ ( තනිකරම මඩ) වෙබ් අඩවියක් හරහා මේ කුමත්‍රණය හෙළිවීමෙන් වූ දරා ගත නොහැකි වෛරය එළි දැක්වීමද සිදු කර තිබේ.
රාජපක්ෂ යුගයේදී ඇත්ත කියන මාධ්‍යවේදීන් ඝාතනය කරමින් මාධ්‍ය ආයතන විනාශ කරමින් වෙබ් අඩවි තහනම් කරමින් අනුගමනය කළ නරුම ක්‍රමවේදයම මේ වකවානුවේදීත් ක්‍රියාවට නැගීම සඳහා ගොඨාභය ගන්නා උත්සහය අනුව 2020 දී රටේ කරුමයකට හෝ ඔහු රටේ පාලනය අතට ගත හොත් වෙන්නෙ කුමක්ද යන්න ගැන දැනටමත් ඔහු විසින්ම පෙන්නා දී තිබේ.
ඉහත කී රැස්වීම සංවිධානය කර තිබෙන්නේ ගෝඨාගේ වෙනම මෙහෙයවන ' වියත් මඟ ' නැමැති සංවිධානය මඟිනි. මෙම සංවිධානට රාජපක්ෂ පවුලේ දේශපාලන වුවමනාවන්ට වෙනස්ව ගමන් ගන්නා අතර මේ සම්බන්ධයෙන් මහින්ද හා බැසිල් රාජපක්ෂගේ විරෝධයද එල්ල වී තිබිණි. ඒ කෙසේ නමුත් මෙම රැස්වීම අමතා ගොඨාභය රාජපක්ෂ පවසා තිබුනේ අයියා දැනට දේශපාලනයේ ක්‍රියාකාරීව සිටියද ඔහු ඉදිරි ජනාධිපතිවරණයට ඉදිරිපත් වීමේ ඉඩක් නැති බවත් තමා ඒ වෙන කොට එළියට එන බවත්ය. ඊට අවශ්‍ය දේශපාලන පසුබිම සැකසීම සිය සංවිධානය මඟින් සිදු කරන බවත් එහිදි අවශ්‍ය මතවාදයන් සමාජ ගත කිරීම වෙබ් හා සමාජ ජාලා කරුවන්ට පැවැරෙන බවත් මෙහිදී අවධාරණය කර තිබේ. මෙම රැස්වීම සදහා කැඳවා තිබු බහුතරය රාජපක්ෂවරු වෙනුවෙන් මඩ වෙබ් අඩවි හා සමාජ ජාලා පවත්වාගෙන යන පිරිසකි.
මේ දිනවල ආණ්ඩුවේ අර්බුද වැඩි වැඩියෙන් ඇති බවත් එහිදී ජනාධිපතිවරයා හා අගමැතිවරයා අතර ගැ‍ටුම් කාරිත්වයක් ඇති බවත් වැඩිපුර උලුප්පවා දක්වා රට මෙම තත්වයට පත් වූයේ ජනාධිපතිවරයා එජපය සමග හවුල් ආණ්ඩුවකට යෑම නිසා බවත් සමාජ ජාල හරහා ප්‍රචාරය කළ යුතු බවත් මෙම සංවිධානය වෙනුවෙන් සහභාගී වූ විද්වතුන් විසින් පෙන්වා දි තිබේ. මෙම රැස්වීමට හිටපු බුද්ධි අංශ ප්‍රධානියා වූ කපිල හෙන්දවිතාරණද සහභාගී වී සිටියේය. පසුගිය රාජපක්ෂ භීෂණය පාලනයේ යුධ හමුදා බුද්ධි අංශ මෙහෙයවමින් විරුද්ධවාදීන් මර්දනය කිරීමේ ප්‍රමුඛ කාර්යා භාරයක් ඉ‍ටු කළෙ මේ හෙන්දාවිතාරණ බව එවකට හෙළිව තිබිණි. මුස්ලිම් වරුන්ට පහර දිමේ බොදු බල සෙනා කුමන්ත්‍රණ්යද මේ හෙන්දවිතාරණ විසින් මෙහෙයවනු ලැබුවක් බව එවකට මංගල සමරවීර විසින් හෙළිදරව් කළ අතර රාජපක්ෂ්වරුන්ට ඒ ගැන කටඋත්තරද නැති විය.
පහත පළ වන්නෙ මෙම රැස්වීමේ අවස්තා කිහිපයකි. මෙහිදී විදේශගතව සිට මඩ සමාජජාලා පි‍ටු මෙහෙයවන පුද්ගලයන් කිහිප දෙනෙකුද ස්කයිප් තාක්ෂණය ඔස්සේ සමාජජාලා හරහා මඩ පුවත් නිර්මාණය කිරීම ගැන රැස්ව සිටි පිරිසට උපදෙස් ලබා දීමද එම අඩුපාඩු කම් ගැනද පවසා ඇත. එම ඡායාරූප cia වෙබ් අඩවියෙන් උපුටා ගන්න ලදී
