ගොඩගැනීමෙන් පසු රහස් පොලීසිය භාරයේ තිබු මෙම මළ සිරුර සම්බන්ධයෙන් පරීක්ෂණ කටයුතු අවසන් කර තිබූ බැවින් ලසන්ත වික්‍රමතුංග මහතාගේ සොහොයුරු ලාල් වික්‍රමතුංග මහතා ගල්කිස්ස මහේස්ත්‍රාත් අධිකරණයෙන් ලබා ගත් නියොගයක් අනුව එම සිරුර රහස් පොලිසියෙන් මුදවාගෙන නැවත් මිහිදන් කිරීම සිදු කර තිබේ.
ලසන්ත වික්‍රමතුංග මහතාගේ ඝාතනයට අදාළ රස පරීක්ෂක වාර්තා හා පශ්චාත් මරණ පරීක්ෂණ වාර්තාවල ඇති පරස්පරතා හේතුවෙන් රහස් පොලිසිය අධිකරණයට කරන ලද සැලකිරීමට අනුව ගල්කිස්ස මහේස්ත්‍රාත් මොහොමද් සහබ්දීන් මහතා ඉකුත් සැප්තැම්බර් මස 8 වන දින මෙම සිරුර ගොඩගෙන නැවත විද්වත් වෛද්‍ය මණ්ඩලයක් හමුවේ පශ්චාත් මරණ පරීක්ෂණයක් සිදු කරන ලෙසට අධිකරණය නියෝග කර තිබිණ. ඒ අනුව කොළඹ අතිරේක මහේස්ත්‍රාත් මොහොමඞ් මිහාල් මහතා ඉදිරියේ සැප්තැම්බර් 27 වන දින එම සිරුර ගොඩ ගනු ලැබීය.
මාධ්‍යවේදී ලසන්ත වික්‍රමතුංග මහතා සිය නිවසේ සිට කාර්යාලය බලා මෝටර් රථයකින් ගමන් කරමින් සිටියදී අත්තිඩිය කවුඩාන මාර්ගයේදී 2009 ජනවාරි 8 වැනි දින ඝාතනයට ලක් විය. මෙම ගතන සිදුවෙම සම්බන්ධයෙන් සැකපිට රිමන්ඩ බණ්ද්නාගාර ගතව සිටි යුධ හමුදා බුද්දි අංශ සැරයන් ප්‍රේම් ආනන්ද උදුලාගම පසුගිය ඔක්තෝර්බර් මස 27 වන දින ඇප පිට මුදා හරිනු ලැබීය.
