චරිත රත්වත්තේ විසින් අමාත්‍යාංශය නොතකා හැර ලබාදුන් උපදෙස් මත ක්‍රියාකිරීම හෙතුවෙන් මෙම මුල්‍ය අක්‍රමිකතාව සිදුව ඇති බවත් ඒ සම්බන්ධව අමාත්‍යාංශයේ ලේකම්වරයා අදාල සිදුවීම සම්බන්ධයෙන් සිදුකල කරුනු විමසීමේදී ඊට කරුනු දැක්වීම ශ්‍රී ලංකන් ගුවන් සමාගමේ ඉහල කලමණාකාරීත්වය ප්‍රතික්ශේප කර ඇති බවද දැන ගන්නට ඇත.
අදාල ගනුදෙනු සිදුව තිබෙන්නේ චරිත රත්වත්තේ විසින් ශ්‍රී ලංකන් ගුවන් සමාගම වෙත ලබාදුන් සෘජු උපදෙස් මත බවට මේ වන විට ලිඛිත සාක්ශි අනාවරණය වී ඇති බවත්, පසුගියදා ඒකාබද්ධ විපක්ශය විසින් ශ්‍රී ලංකන් ගුවන් සේවයේ මුල්‍ය අක්‍රමිකතා සම්බන්ධව අල්ලස් හෝ දූෂණ චොදනා විමර්ශන කොමිසම වෙත සිදුකල පැමිනිල්ල සදහා ද එම සාක්ශි ඉදිපත් කර ඇති බවද වාර්තා වෙයි.
මේබව සනාථ කරමින් පසුගියදා පැවති මාධ්‍ය හමුවකදී ශ්‍රී ලංකන් ගුවන් සේවයේ විෂය භාර අමාත්‍යවරයා වූ කබීර් හෂීම් ද ශ්‍රී ලංකන් ගුවන් සමාගමේ මාෆියාවක් ඇති බව පිලිගෙන තිබිණ.
මේ අතර ආණ්ඩුවේ මහාපරිමාණ සංවර්ධන ව්‍යාපෘති වලදී සංවර්ධන උපාය මාර්ග හා ජාත්‍යන්තර වෙළද කටයුතු අමාත්‍ය මලික් සමරවික්‍රම, අග්‍රාමාත්‍ය ජේෂ්ඨ උපදේශක ආර්. පාස්කරලිංගම් සහ චරිත රත්වත්තේ යන තිදෙනා විෂය භාර අමාත්‍යාංශ නොතකා හැර ගෙන ඇති තීන්දු තීරන හේතුවෙන් එම විෂය භාර අමාත්‍යවරුන් හට විවිධ දූෂණ චෝදනා එල්ලවී ඇති බවත් ඊට එරෙහිව ආණ්ඩුවේ අමාත්‍යවරුන් අතර බලවත් විරෝධයක් ගොඩනැගී ඇති බවද වාර්තා වෙයි.
එම ආරංචිමාර්ග වැඩිදුරටත් සදහන් කරන ආකාරයට පසුගියදා ජනාධිපතිවරයාගේ නියමයෙන් තාවකාලිකව ඉදිකිරීම් අත් හිටුවනු ලැබූ හොරණ ටයර් කර්මාන්ත ශාලාව වෙත ලබාදුන් බදු සහන සහ ඒ තුල සිදු වූ අතයට ගනුදෙනුව පිටුපස මේ තුන්කට්ටුවේ මැදිහත්වීමක් ඇති බවද දැනගන්නට ඇත.
