මේ අතර මුදල් අමාත්‍ය රවී කරුණානායකව වහාම එම ධුරයෙන් ඉවත් කරන ලෙස ඉල්ලන පෙත්සමක් ජනාධිපතිවරයාට භාරදීමට ආණ්ඩුවේ ශ්‍රී ලංකා නිදහස් පක්ෂය නියෝජන කරන මන්ත්‍රී කණ්ඩායමක් මේ වන විට සුදානම් කරමින් සිටින බව ශ්‍රී ලංකා නිදහස් පක්ෂ ප්‍රකාශකයෙක් පැවසීය.
මුල්‍ය අක්‍රමිකතා සහ බලය අවභාවිතයේ යෙදවීම සම්බන්ධව රවී කරුණානායක අමාත්‍යවරයා වෙත එල්ලවී ඇති චෝදනා ඉතා බරපතල බවත් එම චෝදනා ජනාධිපතිවරයා, අග්‍රාමාත්‍යවරයා ඇතුළු සමස්ථ ආණ්ඩුවට අපකීර්තියක් බවත් එම පෙත්සමේ සඳහන් කරන බවත් ඒ හේතුවෙන් තවදුරටත් මුදල් අමාත්‍යවරයා ලෙස රවී කරුණානායක සමඟ කටයුතු කිරීමට නොහැකි බවත් එම පෙත්සමේ සඳහන් කිරීමට නියමිත බවද ඔහු වැඩිදුරටත් පැවසීය.
පසුගියදා ජනාධිපතිවරයා හමුවූ එජාප මැති ඇමැතිවරු පිරිසක්ද මෙම ඇමැතිවරය සම්බන්ධයෙන් පියවරක් ගන්නා ලෙස ඉල්ලා තිබිණි. එහිදි ජනාධිපතිවරය පවසා තිබුණේ අග්‍රාමාත්‍යවරයා එය මුලින් තීරණය කළ යුතු බවය.
මේ වන විට ඒකාබද්ධ විපක්ෂය විසින් එළිදක්වා ඇති වත්මන් ආණ්ඩුවේ top 10 හොර ලැයිස්තුවේ මුදල් අමාත්‍ය රවී කරුණානායක දෙවැනි ස්ථානය ලබා සිටින බවත් ඔහුව මුදල් ඇමති කළ අග්‍රාමාත්‍යවරයාවද එම ලැයිස්තුවට ඇතුලත්වීම සම්බන්ධව මුදල් අමාත්‍යවරයාද වගකිව යුතු බවත් පැවසු එම ප්‍රකාශකයා වැඩිදුරටත් සඳහන් කර සිටියේ තවදුරටත් රවී අමාත්‍යවරයටම එම අමාත්‍යංශයේ කටයුතු කිරීමට ඉඩකඩ ලබාදුනහොත් ජනාධිපතිවරයාගේ නමද එම ලැයිස්තුවට ඇතුලත්වීමේ අවධානමක් ඇති බවය.
