ඒ අනුව රජයේ වෛද්‍ය නිලධාරීන්ගේ සංගමය පසුගියදා පැවැත්වූ නිලවරණයේදී සභාපති ලෙස තේරී පත්වූ විශේෂඥ වෛද්‍ය අනුරුද්ධ පාදෙණිය මහතා ඇතුළු සියලුම වෛද්‍යවරුන් පෙර ලෙස සිය සංගමයේ කටයුතු සිදු කරනු ඇත.
මෙම නිලවරණය පැවැත්වීම වාරණය කරමින් ගල්කිස්ස දිසා අධිකරණය විසින් මීට පෙර දිනක ලබාදී තිබූ වාරණ නියෝගය නොතකා හරිමින් පසුගියදා සෙනසුරාදා නිලවරණය පවත්වා අධිකරණයට අපහාස කළේ යෑයි කියන චෝදනාව සම්බන්ධව කරුණු දැක්‌වීම සඳහා මෙම 09 වැනිදා ගල්කිස්ස දිසා අධිකරණය හමුවේ පෙනී සිටින ලෙස දන්වමින් දිසා විනිසුරු ගිහාන් රණවක මහතා වෛද්‍ය අනුරුද්ධ පාදෙණිය මහතා ඇතුළු රජයේ වෛද්‍ය නිලධාරීන්ගේ සංගමයේ නිලවරණ කමිටුවට නොතීසිද නිකුත් කර තිබුණි.
වෛද්‍යවරුන් 4 දෙනෙකු ගොනු කළ පැමිණිල්ලක් විභාගයට ගනිමින් ඔවුන් එමගින් සඳහන් කර ඇත්තේ තම අයිතිවාසිකම් උල්ලංගණය වන අයුරින් සහ ව්‍යවස්ථාවට පටහැනි අයුරින් රජයේ වෛද්‍ය නිලධාරීන්ගේ සංගමය පසුගියදා පැවැත්වූ මෙම නිළවරණය පැවැත්වීමට සූදානම් වන බව පවසා තිබුණි.
එය වළක්වාලමින් තීන්දුවක් ලබාදෙන ලෙස ඔවුන් අධිකරණයෙන් ඉල්ලා සිටි අතර එම කරුණු සැලකිල්ලට ගෙන ගල්කිස්ස දිසා අධිකරණය මෙම වාරණ නියෝගය නිකුත් කළේය.
