ගංවතුරෙන් පසුව බොහෝවිට ඊළඟ ස්වභාවික ව්‍යසනය වනුයේ දැඩි නියඟ තත්වයයි.. මෙය ස්වභාවික පාරිසරික චක්‍රය වේ.

ශ්‍රී ලංකාව El Nino සංසිද්ධියට මුහුණ දෙන දූපත් රාජ්‍යකි. Nino 3.4 කලාපයට අයත් වන ශ්‍රී ලංකාවේ දැඩි නියඟ තත්වත් දැඩි ගංවතුර තත්වත් ඇතිකිරීමට මෙම එල්නිනෝ ක්‍රියාවලිය බලපායී.. මෙම කලාපයට බලපාන එල් නිනෝ තත්වය El Nino Southern Oscillation (ENSO) ලෙස හඳුන්වයි. පසුගිය මාස කීපයේ සක්‍රීය නොවී තිබූ මෙම එල් නිනෝ තත්වය ඉදිරි මාස කීපයේදී සක්‍රීය වියහැකි බව ඇමරිකානූ climate Prediction Centre මගින් නිකුත් කරනු ලැබූ වාර්තාවේ සඳහන් වේ.
මෙම ගංවතුර තත්වය ENSO ක්‍රියාකාරීත්වය නිසා ඇතිවූවක් බව තහවුරු කර නැති අතර ඉදිරි මාස කීපයේ එල් නිනෝ තත්වයක් ඇතිවිය හැකි බව IRICS ආයතනය පුරෝකතනය කර ඇත.

ගණිතමය හා සංක්‍යානමය පරිඝණක පුරෝකතන මොඩලයන් අනුසාරයෙන් මෙම දත්ත සිතියම් ගත කර ඇත. IRI - Multi- model probability forcast අනුව ආසියානු කලාපයේ වර්ශාපතනය පුරෝකතනය කර ඇත. මැයි මස නිකුත් කරන ලද වර්ශාපතන සිතියම පහත ඇති අතර විශාලනය කරන ලද ශ්‍රීලංකාව ට අදාල සිතියමද දක්වා ඇත. මෙය ජූනී ,ජූලී, අගෝස්තු මාස වලට අදාලවේ.

ඒ අනුව ලංකාවේ වියලි කලාපය කහ පැහැයෙන් දක්වා ඇති අතර වර්ණ දර්ශකයට අනුව සාමාන්‍ය වර්ශාපතනයට වඩා ඉතා අඩු වර්ශාපතනයක් ( below normal precipitation )බලාපොරොත්තු වියහැකි බව පෙන්වා දී ඇත.

ඒ අනුව දැන් සියලු දෙනා ගංවතුර ආධාර එකතු කරන ආකාරයටම තවත් මාස කීපයකින් නියං ආධාරද එකතු කරන්න වන බවක පෙර නිමිති පෙන්නුම් කරයි.
ස්වභාවික ආපදාවලට මුහුණදීමේ ප්‍රධනම ක්‍රමවේදය පෙර සූදානමයි.. යමක් සිදුවූ පසු පිලියම් යොදනවාට වඩා ඒ සිදුවීමට ශක්තිමත්ව මුහුණ දීමට නිසි පූර්ව ක්‍රියාමාර්ග ගත යුතුය. ස්වභාවික පරිසර වෙනස්වීම් පිලිබඳ පෙරයීම් 100% නිවැරදි නොවූවත් අවදානමට පෙර සූදානම වැදගත් බව සියලුදෙනා සිහිතබා ගැනීම වඩා සුදුසුය..

- සමීර..

Sameera Dharmadasa
FB මෙන් උපුටා ගන්නා ලදී

http://iri.columbia.edu/our-expertise/climate/forecasts/seasonal-climate-forecasts/