මෙවැනි විශේෂ බුද්ධි ඒකක විදේශ රාජ්‍යයන් ගනනාවක ක්‍රියාත්මක වෙමින් පවතින අතර විශේෂයෙන්ම සිංගප්පූරුව වැනි රාජ්‍යයන් තම රටේ රාජ්‍ය මුල්‍ය අක්‍රමිකතාවයන් ඉතා අවම තත්වයකට පත් කර ගෙන ඇත්තේ මේ ආකාරයේ විශේෂ චර පුරුෂ සේවාවක් ක්‍රියාත්මක කිරීම හේතුවෙනි.
මේ වන විට මෙරට ක්‍රියාත්මක මුල්‍ය අපරාධ කොට්ඨාශය. යම් අක්‍රමිකතාවයක් සිදුවීමෙන් පසුව වන පැමිණිලි මත ක්‍රියාත්මක වන්නක් පමණක් වීම නිසා නිරන්තරයෙන් රාජ්‍ය මුල්‍ය කටයුතු සම්බන්ධයෙන් විමසිල්ලෙන් සිටින බුද්ධි අංශයක අවශ්‍යතාවය පැන නැඟී තිබේ. එමඟින් වරදක් වීමට පෙර වලක්වා ගැනීමේ හැකියාව ඇති බැවින් රාජ්‍ය යාන්ත්‍රණය වඩා පිරිසිදුව හා ක්‍රියාශීලීව පත්වගෙන යාමට හැකි වනු ඇතැයි මුදල් ඇමැතිවරයාගේ මතය වී ඇතැයි එම ආරංචි මාර්ග වැඩි දුරටත් පෙන්ව දෙයි.
මෙරටට අදාලව මීට පෙර ප්‍රේමදාස යුගයේදී ' ලෝරන්ස් මා‍ෆියාව' නමින් ප්‍රකට වූ විශේෂ පොලිස් ඒකකයක් ක්‍රියාත්මක වූ අතර එමගින් අමාත්‍යංශයන් හි සිදුවන අක්‍රමිකතාවයන් දුර්වලතාවයන් ජනාධිපතිවරයාට වාර්තා කිරීම සිදු විය. එහෙත් ඒ දේශපලන වෛරයන් පිරිමහ ගැනීම වෙනුවෙන් ජනාධිපතිවරයා යොදා ගත් බවට චෝදනා එල්ල විය.
කෙසේ නමුත් මෙම වන ඒකකය පිහි‍ටු වීම සඳහා මුල්‍ය අපරාධ සම්බන්ධයෙන් විශේෂඥ දැනුමකින් හෙබි ඉහළ පොලිස් නිලධාරියකුගේ, බැංකු කටයුතු හා මුල්‍ය වෙලඳ පොළ කටයුතු සම්බන්ධයෙන් විශේෂඥ දැනුමකින් යුතු පුද්ගලයන් කිහිපදෙනෙකුගේ සහය ලැබී ඇත. එමෙන්ම මීට විදේශීය විශේෂඥ දැනුම ලබා ගැනීමටද අපෙක්ෂා කරන බව දැන ගැනිමට තිබේ.
