දැන් ගැටලුව ඇත්තේ නොමිලයේ ලැබුණු ඇතකු වෙනුවෙන් රුපියල් කෝටි 26 ක වටිනාකමක් පෙන්වා එම මුදල් විදේශ ගත කිරීමට කටයුතු කිරීම ගැනය..ඇත්තු ලැබුණේ පරිත්‍යාග විදිහට බව මියන්මාර් වාර්තා පවා පෙන්වා දෙයි. එසේ නම් මෙලෙස රුපියල්  26,15,92,500 ක බිලක් වැ‍ටුනෙ කෙසේද? එම මුදල් ගෙව්වෙ කවුද ?, මුදල් ලැබුණේ කාටද?, කාගේ ගිණුමක මුදලින්ද ගෙව්වෙ යන්න ගැන සොයා බැලිය යුතුය. වාර්තාවන ලෙස 2014 වසරේදී මේ සම්බන්ධයෙන් විමසුමක් විගනකාධි දෙපාර්තමෙන්තුව සිදු කර තිබේ.

මේ සම්බන්ධයෙන් සොයා බැලීමට පත් කළ විශ්‍රාමික විනිසුරු නිමල් ඊ දිසානායක ඒක පුද්ගල කමි‍ටුව කියන්නේ මෙහිදී බරපතල විෂමාචාරයක් සිදුව ඇති බවය. මේ ප්‍රලාපයක් විය නොහැක. ඔහු සාක්ෂි සහිතව ඒ පෙන්වා දෙයි. ඔහුගේ වාර්තාව 2016 වසරේදී ලබා දී ඇති නමුත් මේ දක්වා ඒ සම්බන්ධයෙන් විමර්ශනයක් සිදුව ඇති බවද දැන ගන්නට නැත.. ඒ දියවඩන නිලමේගේ අමුතු රාජකීය බලය නිසාද යන්න නොදනිමු.

පසුගිය අගෝස්තු මාසයේදී මෙරටට ගෙනවන ලද ඇතා පිලිගැනීම ජනාධිපතිවරයාගේ මූලිකත්වයෙන් සිදු කරනුද ලැබීය.