බටහිර අධිරාජ්‍යවාදීන් ගැන දැඩි විරෝධයකින් මේ අය කතා කළ ද පසුගිය කාලයේ චීනය රුසියාව වැනි රාජ්‍ය ගැන කතා කළේ අපගේ ගැලවුම් කරුවන් කර ගෙනය. විශේෂයෙනම පසුගිය රාජපක්ෂ පාලන සමයේදී චීනය රුසියව කියන්නේ මේ රටේ මුර දේවතාවුන් ගානට උස් කොට තැබීමට රාජපක්ෂ ආණ්ඩුව කටයුතු කළේය.
එහෙත් චීනය අපට කෙලවා ඇති බව රට්ටු දැන ගෙන සිටියේ නැත. රට ණය උගුලක හිර කර තැබිමට චීනය ක්‍රියා කළ බව රට්ටු දන්නේ දැන්ය. රාජපක්ෂලා මීට උදව් උපකාර කළේ තමනට ලැබුණු විශාල කොමිස් කුට්ටිය නිසාය.
දැන් බලාගෙන යනකොට රුසියාවද ශ්‍රීලංකාවට පක්ෂපාත කම් දක්වා ඇත්තේ එසේ මේ ආදරයක් නිසා නෙවෙයි.
රුසියාවේ නිශ්පාදන වෙනුවෙන් මේ රටේ වෙලඳපොල කුඩා වූවත් ඒ ඔවුන්ට විශාල වශයෙන් වැදගත් බව පෙන්වා දී තිබේ. පසුගියදා ශ්‍රී ලංකාවේ විදේශ විනිමය ඉපැයීම වෙනුවෙන් වඩාත්ම වැදගත් සාධකයක්ව තිබෙන 'තේ' රුසියාවට ආනයනය කිරීම රුසියාව තහනම් කළේ කොහෙවත් නැති කුරුමිණියෙක් ගැන කියමිනි..එහෙත් ඇත්ත කතාව කුරුමිණියාගේ නොවේ. රුසියාවෙන් මෙරටට ගෙන්වන ඇස්බැටෝස් තහනම් කිරීම නිසාය. ඇස්බැස්ටෝස් පිලිකා කාරකයක් වන නිසා ඒ තහනම් කළ යුතු බව මෙරට හා විදේශීය විද්වතුන් කියන්නේ අද ඊයේක සිට නොවේ..වත්මන් ජනාධිපතිවරයා 2024 වසර වන විට ඇස්බැස්ටෝස් ආනයනය සම්පූණයෙන්ම තහනම් කිරීමට පියවර ගත්තේ මේ රටේ මිනිසුන්ගේ ජීවිත ගැන කල්පනා කරය.
එහෙත් රුසියාවට මේ රටේ මිනිස් ජීවිත කිසිසේත්ම වැදගත් නැත. ඔවුන්ට අවශ්‍ය වෙලඳ පොලය. ඒ වෙනුවෙන් රුසියාවට මෙරට ආර්ථිකය මුලුමනින්ම අඩපණ කිරීමේ හැකියාව වෙයි... බටහිර අධිරාජ්‍යවාදී කඳවුරේ යැයි හංවඩු ගහන රටවල් මේ තරම් ම්ලෙච්ඡ ලෙස මෙරට කෙරෙහි තහංචි දැම්මෙ නැත. තහංචි දමනවා කියා අනතුර හඟවමින් සිටියා පමණය. එහෙත් ඒ මේ රටේ වැරැද්ද නිවැරදි කර ගන්නටය. රට ශිෂ්ඨ සම්පන්න කරන්නටය. මානව හිමිකම් ප්‍රජාතන්ත්‍රවාදය වෙනුවෙනි..
පුටින් ත්‍රස්තවාදයට එරෙහිම යම් යම් පොර ටෝක් දෙන කොට යුධමය ක්‍රියාමාර්ග ගන්නකොට මෙරට ජාතිකවාදීන්ට වාමාංශිකයන්ට ප්‍රගතිශීන් යැයි හඳුන්වා ගනු ලබන අයට පුටින්ට වඩා වීරයෝ හිටියේ නැත. දැන් මේ සුපිරි වීරයා අපිට 'තේ' රෙන්නම තමන් කවුද කියා පෙන්වා දී ඇත.
