මෙම ආරාධනයත් සමඟ පැහැදිලි වෙන්නේ ජනාධිපති සිරිසේන.. මහින්ද රාජපක්ෂ ඉදිරියේ දනින් වැටී ඇති බවය. රාජපක්ෂවරු දේශපාලනයේ අතුගා දමන්නට පසුගිය වසර 3 මුලුල්ලෙ දන්නා සෙල්ලම් සියල්ල දැමූ නමුත් රාජපක්ෂවරු දමනය කරගැනීමට සිරිසේනට නොහැකි විය. පළාත් පාලන ඡන්දය ඉදිරියේ ශ්‍රීලනීපයට යන එන මං නැති බව මේ වන විට පැහැදිලිව පෙන්නුම් කර තිබීමත් රාජපක්ෂවරුන්ගේ පොහොට්‍ටු සන්ධානය එජාපය හා කරට කර සිටින තත්වයක් පෙනෙන්නට තිබීම මත අවසාන් මොහොතේදී හෝ මෛත්‍රීපාල සිරිසේන නම්බු ඇතිව පරාජය පිලිගැනීමක් ලෙස මෙම ආරාධනය ගැන දේශපාලන විචාරකයෝ පෙන්වා දෙති.
මෛත්‍රීපාල සිරිසේන ශ්‍රිලනිපයේ නායකයා විදිහට එම පක්ෂය පාවා දෙමින් එජාපය හා ආණ්ඩුවක් පිහි‍ටු වීම ගැන පසුගිය වසර තුන මුලුල්ලෙම රාජපක්ෂ කණ්ඩායම් කෑකෝ ගසමින් සිටි අතර තවමත් කරමින් සිටින චෝදනාව එයම පමණි.
ඒ අනුව සිරිසෙන ජනාධිපතිවරයා සමඟ ආණ්ඩුවක් පිහි‍ටුවා තමන්ගේ ප්‍රශ්න ගොඩින් බෙරා ගැනීමේ හැකියාව දැන් තිබේ. මේ අලුත් ආණ්ඩුවට ඕනැනම් එජාපයේ ජවිපෙ හෝ ටීඑන්ඒ පැත්තේ ඉන්න කීප දෙනෙකුත් එක්කර ගත හැක..එවිට එජාප නායකයා හා පිරිසක් තනි වී හුදකලා වී පජාත වී යන අතර අර රාජපක්ෂ යුගයේදී කළාය කියන සංවර්ධනය අධිවේගයෙන් කරගෙන යාමටද හැකි වෙනු ඇත.
සිරිසේන ආප්පයක් ගිල තමන්ව පාවාදී විපක්ෂයේ පොදු අපේක්ෂකයා වී රාජපක්ෂවරු ගෙදර යැවීම ගැන දැන් කම්පා නොවිය යුතුය. අද සිරීසේන ජනාධිපතිවරයා තමන්ව බලයට පත් කළ මිනිසුන්ගේ අපේක්ෂාවන් පරාජයට පත්කර සිදු කරන මේ මහා පාවාදීම අනුව ඒ ආප්ප සීන් එක ගනන් ගත යුතුම නැත.
මේ වෙලාවේ නොගියොත් ඒ නැවත නිවැරදි කර ගත් නොහැකි වරදක් වනු ඇත. අනික රාජපක්ෂලා ශ්‍රීලනිපය දෙකඩ කෙරුවාය කියන අපවාදයෙන් මිදෙන්නට හැකි හොඳම අවස්ථාවත් මෙයය. අවුරුදු 3ක් තිස්සේ රාජපක්ෂලා කළ අරගලය දැන් ජයග්‍රහණය කර තිබෙන බවද මේ ආරාධනය අනුව පැහැදිලිය.
