මීට පෙර එම සමාගම් සමූහයේ ප්‍රධාන ගිණුම් දෙකක අත් හි‍ටුවීමටද පියවර ගෙන තිබිණි. එමඟින් රුපියල් බිලියන 12.5 ක මුදල් මහ බැංකුව රඳවාගෙන ඇත.
කෙසේ නමුත් මෙම සමාගම් 28 මඟින් වෙළඳපොළ තුල ආයෝජනය කර ඇති මුදල් තව දුරටත් සංසරණය වීම හා එම ව්‍යාපාරික සම්බන්ධතා ව්‍යාපාරික ලෝකයට සිදුකරන ලද බලපෑම ආදිය මෙන්ම එම සාමාගම් හී සේවය කරන සේවක සේවිකාවන්ගේ වැ‍ටුප් ආදිය ගෙවීම මේ නිසා බරපතල අර්බුදධයකට මුහුණ දෙනු ඇත.
මෙම සමාගම් සමූහයට අයත්ව තිබෙන Integrated Media Networks (Pvt) Ltd ආයතනය මඟින් ප්‍රකාශයට පත් කරන ලද ' ජනයුගය ' පුවත්පත නවතා දැමීමට පසුගියදා සිදු කළ අතර එම සේවක සේවිකාවන්ට පසුගිය ඔක්තොබර් මාසයේ සිට වැ‍ටුප් ගෙවීම සිදු කර නොතිබිණි. එසේම මෙම සමාගම් සමූහයට අයත් W M Mendis & Co Ltd මත්පැන් නිශ්පාදන කර්මාන්ත ශාලාවේ විශාල සේවක පිරිසක් සේවය කරති. ගිණුම් අත් හි‍ටුවීම සිදු කළ හොත් එම නිශ්පාදන වෙළඳ පොලට පැමිණීමද වැලෙකෙන අතර එම සේවකයන්ට වැ‍ටුප් ගෙවීමද සිදු කළ නොහැක.
මේ හේතුව නිසා මහ බංකුව මෙම පියවර ගැනීමේදී ඇතිවන අර්බුදකාරී තත්වය වැලැක්වීමට විශේෂ පියවරක් අනුගමනය කිරීමටද අවධානය යොමු කර තිබේ.
