රාජාංගනය ජලාශය ප්‍රධාන ජල මූලාශ්‍රය කර ගනිමින් තඹුත්තේගම ජල සම්පාදන ව්‍යාපෘතිය ආරම්බ කිරීම සඳහා කැබිනට් අනුමැතිය හිමිව ඇත්තේ 2011 දී වසරේ දී බව පැවසේ. ජලසම්පාදන හා ජලපවාහන මණ්ඩලය මෙම ව්‍යාපෘතිය සිදු කරන ලබන අතර මේ වෙනුවෙන් රාජංගනය වැවෙන් ජලය ලබා ගැනීමට වාරිමාර්ග දෙපාර්තමේන්තුවෙන් අනුමැතියද ලබා දී තිබේ. මෙම ව්‍යාපෘතියට චීන රජය රුපියල් මිලියන 17,000 ක මුදල් ආධාර ලබා දීම සිදුකරනු ලබයි. මේ සම්බන්ධ ගිවිසුම පසුගිය වසරේදී වත්මන් ආණ්ඩුව අත්සන් කර තිබේ.
මෙම ව්‍යාපෘතිය සමඟ චීන සමාගමක් පානීය ජල බොතල් ඇසුරුම් කිරීමේ කර්මාන්ත ශාලාවක් ඇතිකිරීම සඳහා කටයුතු කිරීම ගැන අද දින විරෝධතාකරුවන් එරෙහි වූවද එම කර්මාන්ත ශාලාව නිසා ප්‍රදේශයේ විශාල පිරිසකට රැකියා අවස්ථාව උදා වීම හැර වෙනත් කිසිදු හානිදායක තත්වයක් ඇතිවන බවට කිසිදු සාක්ෂියක් ඇත්තේ නැත.
ප්‍රදේශයේ පානීය ජල අවශ්‍යතාවය මුල් කරගත් මෙම ව්‍යාපෘතිය සඳහා රාජංගන වැවෙන් ලබා ගැනීමට නියමිතව ඇත්තේ ඝන මීටර් 19,000 ක තරම් සුළු ප්‍රමාණයක් වන අතර එම ප්‍රමාණය ලබා ගත්තා කියා වැවෙහි ජල ධාරිතාව අඩු වීම කෙරෙහි බලපෑමක් නොමැති තරම් බව මෙරට වාරි ඉංජිනේරුවෝ සඳහන් කරති. එමෙන්ම නියං සමයේදී කෘෂිකර්මාන්තයට අවශ්‍ය ජලය සැපයීම කිසිසෙත්ම අඩු නොකරන බවට එකඟතාවයකටද අදාල ව්‍යාපෘතිය හා පැමිණ තිබේ.
ඝන මීටර මිලියන 100 කට වැඩි ජල ධාරිතාවක් ඇති මෙම ජලාශයෙන් මෙම ව්‍යාපෘතිය සඳහා ජලය සැපයීම මඟින් කිසි ලෙසකින්වත් කෘෂි කර්මාන්තයට හානියක් නොවන නමුත් මේ වන විට යම් කණ්ඩායමක් විසින් ප්‍රදේශයෙ ගොවි ජනතාව බියට පත් කර ඇත්තේ විශාල ජල හිඟයකට මුහුණ දීමට සිදුවනු ඇති බවයි.
ගොවි සංවිධාන නමින් අටවාගෙන ඇති දේශපාලන කල්ලි කණ්ඩායම් අද දින අහිංසක ගොවියන් රවටා පාරට ඇද දමා පොලිසිය හා ගැ‍ටුමකට පොළඹවා සිදු කරන ලද විනාශයට වගකිව යුතු වන්නේ මේ දේශපාලන තක්කඩියන්ය.
