'' විදේශ කටයුතු අමාත්‍යංශය අද අයාලේ යන තත්ත්වයක. අදිසි හස්තයක් තමයි අමාත්‍යංශය මෙහෙයවන්නේ. අද විදෙස් සේවාව ඉතාමත් කනගාටුදායක තත්ත්වයකට පත්වෙලා තිබෙනවා. අද විදේශ අමාත්‍යංශය ශ්‍රී ලංකා නිදහස් පක්‍ෂයේ ශාඛා සමිතියක් හැටියට පත්වී තිබෙනවා.

සරත් කෝන්ගහගේ ජනාධිපති අපේක්‍ෂකයෙක්. ඔහු ආණ්ඩුවේ රෙදි අපුල්ලපු අයෙක්. ඔහු අද තානාපතිවරයෙක්. ජනාධිපතිවරයාගේ ඥාති සොහොයුරා අවුරුදු 9ක් තිස්සේ මියන්මාරයේ තානාපති. එක්සත් ජනපදයේ තානාපතිවරයා වශයෙන් කටයුතු කළේ ඥාතියෙක්. ඔහු මුදල් වංචාවකට හසුවූ කෙනෙක්. මොකක්ද දුන්නු දඬුවම. ශ්‍රීමාල් වික්‍රමසිංහ වියානාවල තානාපතිවරයා. ශිරන්ති වික්‍රමසිංහ මැතිනියගේ සොහොයුරා.

මොකක්ද මේ විදේශ සේවය. පළාත් සභා මන්ත්‍රි ධුර තමුන්නාන්සේලා ගන්නවා වගේම තමුන්නාන්සේලාගේ දරුවෝ විදේශ සේවයට යවනවා. විදේශ සේවයේ තානාපතිවරු 49 දෙනෙක් ඉන්නවා. 11 දෙනයි විදේශ සේවාවෙන් ඉන්නේ. 35 දෙනෙක් දේශපාලන පත්වීම්. රත්තරන් තිලක්ගේ දියණියත් තානාපති සේවයේ ඉන්නවා.' යයි ද මන්ත්‍රීවරයා පැවසිය.


එම ප්‍රකාශයට පිළිතුරු දුන් විදේශ නියෝජ්‍ය ඇමති නියෝමාල් පෙරේරා මහතා කියා සිටියේ කලින් ආණ්ඩු ද එවැනි පත් කිරීම් සිදු කර ඇති බවයි.

තානාපති සේවය සඳහා පත්කර යවන පුද්ගලයන් රාජ්‍ය නායකයාගේ ඥාතිවරයකු වීම එතුමාට කරන ගෞරවයක් ලෙස සලකන බව උසස් අධ්‍යාපන ඇමැති එස්. බී. දිසානායක මහතා එහිදී පැවැසීය.