83 දී එම දෙමල විරෝධි සිංහල කැ‍රැල්ලෙ වගකීම ජවිපෙ පිට පැටවීමට ආණ්ඩුව කටයුතු කළේ ඒ සම්බන්ධයෙන් පිළිගත හැකි නිශ්චිත සාක්ෂි නොමැතිවය. ජවිපෙ එවකට දෙමල විමුක්ති සටනට එරෙහි මතයක සිටිමින් සිංහල මහ ජාතියේ ආකර්ෂණය දිනා ගැනීමෙහි දේශපාලන වැඩ පිලිවෙලක නිරත වූ නමුත් එය සෘජුව දෙමළ විරෝධී ජාතිවාදී මතවාදයක් වූයේ නැත. එහෙත් එම මතවාදය සමඟ නොමඟ ගිය ඇතැම් ජවිපෙ සාමාජිකයන් මේවාට හවුල් විය. ජවිපෙ තහනම් කිරීමට එය ප්‍රමාණවත් විය
මහනුවර සිදුවීම් ද පොලීසියේ අනුග්‍රහය ඇතිව අදිසි පිරිසකගේ සංවිධානයෙන් සැලසුම් කළ සිදුවීමක් බවට මේ වන විට තොරතුරු අණාවරණය වෙමින් පවතී. එය සාර්ථක කර ගැනීම වෙනුවෙන්ම සමාජ ජාලා පාවිච්චි කළ සුළු පිරිසද සිටී. ඒ අතර පොහොට්ටු සාමාජිකයන් ඉදිරියෙන්ම සිටී. නමුත් මේ සිදුවීම සමාජ ජාලාවල ජාතිවාදය වැපිරීම හා අදාල වන්නෙ නැත. සමාජ ජාලා වල වැපිරූ මතවාදය එම සමාජ ජාලාවලට දැඩිව සීමා වූවක් සේම ඊට එරෙහිවද ප්‍රබල මතවාදයක් තිබුණේය. ඒ අතර මහනුවර සිදුවීමට සමාජ ජාලාවල සහය ගත් සුළු පිරිස පැහැදිලිවම හඳුනාගෙන ඔවුන් අත් අඩංගුවට ගැනීමේ හැකියාවක් තිබිණි. එහෙත් එය සිදු නොකොට අවසානයේ සමාජ ජාලා තහනම් කෙරිණි.
ඊට හේතු වූයේ විශේෂයෙන්ම ආණ්ඩු විරෝධයකටත් වඩා ජනාධිපතිවරයා ඉලක්ක කරගෙන යන විරෝධයයි. මෙම තහනම ආණ්ඩුවේ තීරණයක් නොවේ. ජනාධිපතිවරයාගේ තීරණයකි. කොටින්ම මාධ්‍ය ඇමැතිවරයා හෝ මේ බව දනුම්වත්ව සිටියේ නැත. එසේම ජාතිවාදය පිට දමා තව දුරටත් 6 වෙනි දින දක්වාම මෙය තහනම් කරගෙන සිටීමේ ඇත්ත හේතුව ජනපති විරෝධය බවට දැන් සැකයක් නැත.
'මිනිස්සු' කියන්නේ.... 'ෆේස් බුක් එකවුන්ට්' විතරයි....
ප්‍රශ්නේ තියෙන්නේ සමාජ ජාලාවල නෙවෙයි? ..83 මතක නම්...
