ආර්ථිකයට සම්බ්ණධ සියලු තීන්දු තීරණ ගනු ලැබුවේ මෙම කමි‍ටුවෙන් වන අතර අදාල ව්‍යාපෘතිවලට සම්බන්ධ සියලු ආයතන ප්‍රධානින් සමඟ සාකඡාවලින් අනතුරුව මෙම කමි‍ටු තීන්දු ගනු ලැබුවේය.
ජනාධිපතිවරයා ඊට එරෙහි වන්නේ අහවල් හේතුව නිසා යැයි පැහැදිලි තොරතුරක් නැති නමුත් ප්‍රකාශිත කරුණු වලින් පැහැදිලි වන්නේ එමඟින් 'ගෙවතු වගා' සංවර්ධනට මොකවත් සිද්ධ කළේ නැතැයි වැනි චෝදනාවකි. මහින්ද චින්තන අඩි පාරේ යෑමට ජනාධිපතිවරයා තීරණය කර ඇති බැවින් මෙම ගෙවතු වගා සංදර්ශනද ඒ අනුව සිදුවන්නකි
කොහොම නමුත් ජනාධිපතිවරයා විදේශගතව සිටින බැවින් ගිය සතියේ කැබිනට් මණ්ඩලය රැස් නොවූ අතර, අද පැවැත්වෙන කැබිනට් මණ්ඩල රැස්වීමේදී ජනපතිගේ කැබිනට් පත්‍රීකාව සම්බන්ධයෙන් විරෝධතාවය පලකිරීමට එජාප ඇමතිවරුන් පිරිසක් සුදානමින් සිටින බව එජාප ආරංචිමාර්ග වැඩිදුරටත් පවසයි.
මේ අතර මෛත්‍රීපාල සිරිසේන මහතා 2020 ජනාධිපතිවරණයට ඉදිරිපත්වීමේ අරමුනින් යුතුව අගමැති රනිල් වික්‍රමසිංහ මහතා හා එජාපය ඉලක්කකර ගනිමින් සිදුකරන දේශපාලන කෙනෙහිලි වලට තවදුරටත් ඉඩදිය යුතු නැති බව එම පක්ෂයේ පසුපෙළ මන්ත්‍රීවරුන්ගේ ස්ථාවරය වී ඇතැයි ද පැවසේ.
අපොස උසස් පෙල සියලුම සිසුන්ට අන්තර් ජාල පහසුකම් සහිත ටැබ් එකක් නොමිලේ ලබා දීමට අගමැතිවරයා හා අධ්‍යාපන ඇමතිවරයා ඉදිරිපත්කල කැබිනට් පත්‍රීකාවට ජනාධිපතිවරයා එරෙහිවූ විටදීත්, අඩුම තරමින් තමන්ට කැමැති ඇමැතිවරයාට නීතිය හා සාමය බාර දෙනවාට පවා ජනාධිපතිවරයා විරුද්ධ වන විටත් එජාප නායකත්ව නිහඬව සිටීම එම පසුපෙළ මන්ත්‍රීවරුන්ගේ විරෝධයට හේතුවී ඇතැයි වාර්තාවේ.
