එසේ බඳවාගත් නිලධාරිනියන් සිවු දෙනකු (04) මේ වන විට ත්‍රිකුණාමලය ගුවන් හමුදා කඳවුරේදී ගුවන් යානා පුහුණුවට අදාළ අධ්‍යයන කටයුතුවල නියැළෙමින් සිටින බවද ඒ මහතා පැවැසීය.
ගුවන් යානා පැදවීම සඳහා ගුවන් හමුදා නියමු නිලධාරිනියන්ගේ සේවය මේ ආකාරයට ලබා ගැනීමට කටයුතු කර ඇත්තේ ගුවන් හමුදා ඉතිහාසයේ පළමු වතාවට බවත් දැනට පුහුණුව ලබමින් සිටින එකී නිලධාරිනියන්ගේ පුහුණුව අවසන් වූ පසුව ඔවුන් ගුවන් හමුදා යානා පැදවීමේ නියමු රාජකාරිය සඳහා යොදවන බවත් ඒ මහතා කීය.
දැනට පුහුණුව ලබමින් සිටින නිලධාරිනියන්ට යුද පුහුණුව, ගුවන් යානා තාක්ෂණ පුහුණුව, නියමු පුහුණුව ඇතුළු පුහුණුවීම් කිහිපයක් සම්පූර්ණ කළ යුතුව ඇති බවත් එම පුහුණු කාලසීමාව සඳහා අවම වශයෙන් වසර දෙකහමාරක් පමණ ගත කළ යුතුව ඇති බවද ඒ මහතා වැඩිදුරටත් පැවැසීය.
මව්බිම
