කොහොම නමුත් පසුගිය පළාත්පාලන මැතිවරණයේ ප්‍රතිපළය අනුව රාජපක්ෂවරුන්ගේ පොහොට්‍ටු කණ්ඩායම සමස්ථ ප්‍රතිපලයෙන් සියයට 40 ක පමණ ඡන්ද ප්‍රතිපලයක් දිනා ගනිමින් තනි පක්ෂයක් ලෙස ඉදිරියේන් සිටීමට සමත් වීම තුල ඉදිරි මැතිවරණයකදී එය එජාපය හමුවේ ප්‍රබල අභියොගයක් වනු ඇත. ඉතිහාසය පුරා මෙරට තනි පක්ෂයක් ලෙස ඉදිරියෙන්ම සිටි පක්ෂය එජාපයයි. නමුත් එජාපයේ සැබෑ ඡන්ද කොටාව පසුගිය පළාත්පාලන මැතිවරණයේ දී ප්‍රකාශයට පත් වුයේ නැති බවටද කරුණු දැක්වීම ඇති අතර ජාතික මැතිවරණයකදී ඡන්ද දායකයාගේ හැසිරීම පුංචි ඡන්දයකට වඩා වෙනස් වීම තුල එජාපයේ ශක්තිමත් බවටත් කරුණු දැක්වේ. එමෙන්ම පාක්ෂිකයන් යම් කළ කිරීමකට පත්ව තිබීම පසුගිය පසුබෑමට හේතුව වූ බවත් පැහැදිලිව පෙන්නුම් කරනු ලැබූවකි.
ඒ කෙසේ නමුත් ශ්‍රීලනීපය ලෙස තිබෙන මෛත්‍රීපාල සිරිසේන කණ්ඩායමේ ඉදිරි පැවැත්මට නම් සිය පක්ෂ අනන්‍යතාවය බල්ලට දමා රාජපක්ෂගේ ඔඩොක්කුවට හෝ එජාප සමඟ හෝ සන්ධාන ගත වීමක් අනිවාර්ය වෙනු ඇත. විලි ලැජ්ජාවක් තිබේ නම් ඔහුට රාජපක්ෂ සරණයා නොහැක.2020 මහ මැතිවරණයට ගෝඨාව ඉදිරියට දමාගෙන ශ්‍රිලනිපය පුම්බා ගැනීමට දරණ වෑයම ගැන මෙ මොහොතේදීද කියන්න සිදුවන්නේ එය ලොකු දේශපාලන විහිළුවක් පමණක් වනු ඇති බවය.. මේ නිසා මෛත්‍රීපාල සිරිසේන අද මොන අදේශපාලනික මෝඩ මතිමතාන්තර දැරුවත් අවසාන පැවැත්මේදී දේශපාලනික තීන්දුවක් ගැනීමට ඔහුට සිදු වනු ඇත.
