මෙම විශ්වාසභංග යෝජනාව එජාපය තුලින්ම ගෙන ඒමට ජනධිපතිවරයාව මෙහෙය වන කිලි මහරාජාගේ අවශ්‍යතාවය වී තිබූ නමුත් එය අසාර්ථක විය. පසුව ඒකාබද්ධ විපක්ෂය මඟින් යෝජනාව ගෙන ඒමට එහි ගෝඨා හිතවාදීන් එකඟකර ගැනීමට කිලි මහරාජා සහ ජනාධිපතිවරයා සමත්වූ බවත් ඒ අනුව ඔවුන් සෑහෙන අරගලයකින් පසුව මේ යෝජනාව පසුගියදා කතානායක වරයාට බාර දීමට කටයුතු කළ බවත් එම තොරතුරු මාර්ග පවසයි .
රංජිත් සජිත්ගේ මිනිහෙක්...
එහෙත් මෙම යෝජනාවට බැසිල් පිලෙහි දැඩි විරෝධය ද එල්ල විය. ඒකාබද්ධ විපක්ෂයේ මුල් ස්ථාවරය වී තිබුණේ එජාපය ගෙන එන විශ්වාසභංගයකට සහය වීමටය. එහෙත් එජාපයේ ගැටලුව කළමනාකරණය කර ගැනීමට එජාප නායකත්වය සමත් වීම නිසා එය සිදු නොවීය.
මේ නව තත්වය හමුවේ රංජිත් මද්දුම බණ්ඩාර ද සිය නායකයා ආරක්ෂා කිරීමේ පිලිවෙතකට මාරු වී සිටී. එහෙත් ශ්‍රිලනිපයේ එස් බී දිසානායක තවමත් ජනාධිපතිවරයාගේ උත්සාහය වෙනුවෙන් ශ්‍රිලනිප හා එජාප මන්ත්‍රීවරුන්ව රංජිත් මද්දුම බණ්ඩාරට අගමැතිධුරය ලබා දීමට එකඟකරවා ගැනීමේ වෙහෙසකර කටයුත්තක නියැලෙමින් ද සිටී. රංජිත් මද්දුම බණ්ඩාර යනු එජාපයේ සජිත් පිළෙ හි හිතවතකු වන අතර ජනාධිපතිට ද හිතවත් අයෙකි. නීතිය හා සාමය අමාත්‍යංශය, අගමැතිගේ කැමැත්ත වූ සරත් ෆොන්සේකාට හිමි නොවී ඔහුට හිමි වන්නේද ඒ අනුවය.
පරදින බව දන්න බැසිල්..
කෙසේ නමුත් ජනාධිපතිවරයාගේ උත්සාහයට මේ මොහොතේදී සහය ලබා දීමට ඒකාබද්ධ විපක්ෂයේ බැසිල් පිළ කල්පනා කර ඇත්තේද මද්දුම බණ්ඩාරට අගමැතිධුරය ලබා දීමට ජනාධිපතිවරයාගේ කැමැත්ත වී ඇති නිසාය. එසේම එය ජයග්‍රහණය කිරීමේ හැකියාවක් පැහැදිලිවම නොමැති තත්වයක් තුළ ඊට සහය දුන්න නොදුන්නා කියා වෙනසක් නොමැති බවත් ඔවුන්ගේ අදහස වී තිබේ. එහෙත් මෙය ජනාධිපතිවරයා විසින් සැලසුම් කළ කටයුත්තක් බව හෙළිදරව් කිරීම විය යුතු බවත් ඒ අනුව සම්මුතික ආණ්ඩුව අවුල් කිරීම වියයුතු බවත් මෙම කණ්ඩායම කතිකා කර ඇත.
විශ්වාසභංගය යම් ලෙසකින් ජය ගත්තද ඒකාබද්ද විපක්ෂය කිසිසෙත්ම අගමැතිධුරය බාර නොගත යුතු බව බැසිල් පිලෙහි ස්ථාවරය වේ. එය රට තවත් අවුලෙන් අවුලට පත් කිරීමක් විය හැකි බවත් ඉදිරි අවුරුදු දෙකෙහි රට මුහුණ දෙන සියලු අර්බුද සඳහා වගකියන්න වෙන්නේ රාජපක්ෂවරුන්ට වන බැවින් එජාපයේම අගමතිවරයකුට ඉඩ ලබා දිම සුදුසු බව ඔවුන්ගේ යෝජනාවය. එහෙත් ගොඨා පිලෙහි ස්ථාවරය මහින්ද රාජපක්ෂ වෙත අගමැතිධුරය ලබා දීමට ජනාධිපතිවරයා එකඟ කරවා ගත හැකි බවත් ඉදිරි වසර දෙක සුපුරුදු සංදර්ශන ක්‍රමවේදයන් හරහා පවත්වාගෙන යා හැකි බවත්ය.
දුමින්දට අනතුරු හැඟවීමක්..
කෙසේ නමුත් මේ වන විට විශ්වාසභංගය නිසා විශාල අර්බුධයකට මුහුණ පා සිටින්නේ ජනාධිපතිවරයා හා ඒකාබද්ද විපක්ෂයේ ගෝඨා පිළය. ශ්‍රිලනිපයේ සම්පූර්ණ සහයද නොලැබී යාමේ තත්වය උඩ ජනාධිපතිවරයාගේ පාර්ශ්වය මෙම විශ්වාසභංග යෝජනාවට එරෙහි, ශ්‍රීලනිප ප්‍රබලයන්ට එරෙහිව දූෂණ චෝදනා එල්ල කර බිය ගැන්වීමේ ව්‍යාපෘතියකද ආරම්භ කර ඇති බව ශ්‍රීලනීප ආරංචි මාර්ග පෙන්වා දෙයි. එහි පළමු ගොදුර දුමින්ද දිසානායක වනු ඇති බවත් පැවසේ. මේ තත්වයන් මත පසුගිය කාලයේ ජනාධිපතිවරයා හා ගැ‍ටුම් ඇතිකර ගත් ශ්‍රිලනීපයේ අභ්‍යන්තර ප්‍රබලයන් හමුවීමට දිසානායක මහතාගේ හිතවතුන් කටයුතු කරමින්ද සිටියේය.
