දුම්වැටිවල බදු ප්‍රතිශතය සියයට අනූව දක්වා ඉහළ නැංවීම, දුම්වැටි අසුරණවල රූපමය අවවාද සියයට අසූව දක්වා වැඩි කිරීම, ප්‍රසිද්ධ ස්ථානවල දුම් පානය තහනම් කිරීම, පාසල් අවට මීටර් 100 ක් දුරින් දුම්වැටි අලෙවිය තහනම් කිරීම ඇතුළු ක්‍රියාමාර්ග රැසක් පසුගිය වසර 3 තුළදී සෞඛ්‍ය අමාත්‍යංශය මගින් සිදුකරන ලදී.
එම වැඩ පිළිවෙළට සමගාමීව මහජන සෞඛ්‍ය පරීක්ෂකවරුන් ජනතාව දැනුම්වත් කිරීමේ වැඩ පිළිවෙළක්ද දීප ව්‍යාප්තව සිදුවේ.
ඒ අනුව යාපනය දිස්ත්‍රික්කයේ නගර 22 ක්, මාතර නගර 17 ක්, කුරුණෑගල නගර 16 ක් ඇතුළු දිවයින පුරා නගර 107 ක දුම්වැටි අලෙවි කිරීම මේ වන විට තහනම් කර ඇත.
