ජනාධිපති මහින්ද රාජපක්‍ෂ මහතා වෙත ලිපියක් යවමින් එම සංගමය ඉල්ලා සිටින්නේ පෞද්ගලික බස් කර්මාන්තය දියුණු කිරීමට බව පවසමින් ජාතික ගමනා ගමන කොමිෂන් සභාවක් සහ 2010 වසරේ දී පෞද්ගලික ප‍්‍රවාහන සේවා අමාත්‍යංශයක් ඇති කරනු ලැබූවත් එම ආයතන දෙකම සුදු අලියෙකු බවට පත් වී තිබෙන බවයි.
මෙම ආයතන දෙක මැදිහත් වී පෞද්ගලික බස් කර්මාන්තය දියුණු කළ යුතු වුවත්, ඔවුන් සිදු කරන්නේ මාර්ග බලපත‍්‍ර ජාවාරම් වල යෙදී මහා පරිමාණ මුදලාලිලාට බස් කර්මාන්තය තුළ ජාවාරම් කිරීමට අවස්ථාව සලසා දීම පමණක් බවද එම සංගමයේ සභාපති ගැමුණු විජේරත්න මහතා සඳහන් කර ඇත.
සාමාන්‍ය ආකාරයට බස් රථයක් හෝ දෙකකින් රටේ මගී ජනතාවට සේවාවක් ලබා දීමට කටයුතු කරන බස් හිමියන් දැඩි අසරණ තත්ත්වයකට පත්ව තිබෙන බවද ඔහු සඳහන් කළේය.
