මෙම ගිවිසුම නිසා රටට බරපතල ප්‍රතිවිපාකවලට මුහුණ පෑමට සිදුවන බව පසුගිය කාලයේ රාජපක්ෂ කණ්ඩායම මත පළ කළේය. විශේෂයෙන්ම විමල් වීරවංශ තමන්ගේ ආණ්ඩුවක් යටතේ පැය 24 ක් ඉක්මයන්න පෙර මෙම ගිවිසුම අහොසි කරන බව දිගින් දිගටම ප්‍රකාශ කර තිබිණි. ඒ අනුව මෙම ගිවිසුම අහෝසි කිරීමේ කැබිනට් සංදේශය කඩිනමින් සකස් කිරීම සදහා මහින්ද රාජපක්ෂට ඔහු පසුගිය දින කිහිපයේදී අවධාරණය කර තිබේ.
ශ්‍රී ලංකා-සිංගප්පූරු නිදහස් වෙළෙඳ ගිවිසුමශ්‍රී ලංකාව වසර 10 කට පසු අත්සන් කරන ලද පළමු වෙළෙඳ ගිවිසුම වන අතර, මෙය භාණ්ඩ වෙළෙඳාමෙන් ඔබ්බට ශ්‍රී ලංකාව පළමුවරට අස්සන් කළ වඩාත් පුළුල් වු ගිවිසුමක්ද වේ. අග්නිදිග ආසියාතික රටක් සමග ඇති අපගේ මුල්ම එකඟතාවයද මෙය වේ. මෙම ගිවිසුම ප්‍රධාන වශයෙන් සේවා, ආයෝජන, සනීපාරක්ෂක හා ජෛවමිතික මෙහෙයුම්, වෙළඳාම සඳහා වන තාක්ෂණික බාධක ඉවත් කිරිම, වෙළෙඳ පිළිසරණ සහ ආරවුල් නිරවුල් කිරීම, රේගු සම්බන්ධතා සහ වෙළෙඳ පහසුකම් සැපයීම, ආර්ථික හා තාක්ෂණික සහයෝගීතාව, රජයේ ක්‍රමසම්පාදන, විද්‍යුත් - වාණිජ හා බුද්ධිමය දේපළ අයිතිවාසිකම් ආදිය ආවරණය විය.
කලාපයේ වඩාත්ම නිදහස් (ලිබරල් ) ආර්ථිකයක් ඇති එමෙන්ම ඉතා දැඩි නීතිමය පසුබිමක් සහිතව ක්‍රියාකරන, ගෝලීය වශයෙන් සක්‍රීය සහ දියුණු කළමනාකරණ / ආයතනික දක්ෂතා සහිත පුරවැසියන්ගෙන් හා ව්‍යුහයන්ගෙන් සැදුම්ලත් සිංගප්පුරුව වැනි රාජ්‍යයක් සමඟ මෙලෙස වෙළෙඳ ගිවිසුම් ගත විම නිසැකවම ශ්‍රී ලංකාවේ ආර්ථික සංවර්ධනයේ ඊළඟ මට්ටම ළඟා කර දෙන ඵලදායි ආර්ථීක ප්‍රතිසංස්කරණ ක්‍රියාවකට මඟ පෑදෙන්නක් බව යහපාලන රජයේ විශ්වාශය වි තිබිණි .
