ශ්‍රීලනිප රැස්වීම ජනමාධ්‍යවේදීන්ට තහනම් කොට තිබූ අතර එයට සහභාගි වූ කාරක සභිකයනට ඔවුන්ගේ ජංගම දුරකථන පවා එම රැස්වීම් ශාලාවට ගෙන යාමට අවසර දී නොමැති බවත් මාධ්‍යවලට වසන් කරමින් සිදුකළ මෙම සාකච්ඡාවේ සාකච්ඡා කළ කරුණු සම්බන්ධයෙන් බරපතල සැකයක් මතුවන බවත් පා.ම. තුෂාර ඉදුනිල් මහතා පැවසීය. වැඩි දුරටත් අදහස් දැක්වූ මන්ත්‍රීවරයා
අපට ලැබී ඇති විශ්වාසදායක ආරංචි අනුව එම රැස්වීමේදී මෑතකදි ඇමති
තනතුරු භාර ගත් වයඹ පළාතේ මන්ත්‍රීවරයෙකු අවේගශීලිව කතාකරමින් 14
වෙනිදා පාර්ලිමේන්තුවේ මන්ත්‍රිවරයෙකු හෝ දෙදෙනෙක් මරණයට පත්කොට
හෝ බහුතර බලය දිනාගන්නා බව ප්‍රකාශ කොට තිබෙනවා. මුදල් බලය
යොදවා මන්ත්‍රීවරුන් දිනාගැනීමට නොහැකි වූ විට, මැරබලය, බාහු බලය
තර්ජනය, ගර්ජනය යොදවා සැබෑ ප්‍රජාතන්ත්‍රවාදය යටපත් කිරීමට සිරිසේන –
මහින්ද හවුල උත්සාහ ගන්නා බව අපට පෙනී යනවා. එම ප්‍රයත්නයන්
පරාජය කරන්නට මේ රටේ නීතිගරුක යුක්ති ගරුකව ජනතාව පෙරට එන
බවට අපට විශ්වාසයි.
