සරත් අමුණුගම මහතා මෙම යෝජනාව ඉදිරිපත් කර තිබේ. මහින්ද රාජපක්ෂ ශ්‍රිලනිපයෙන් වෙන්වී වෙනම තරග කිරීමට ගත් තීරණය සමඟ ශ්‍රීලනිපයේ ප්‍රබලයන් සහ ප්‍රාදේශීය නායකයන් රැසක්ම එම පක්ෂයට එකතු වීම තුල ශ්‍රීලනිපය දේශපාලනිකව බරපතල අර්බුධයකට පත්ව තිබේ.
මෙම තත්වය හමුවේ දුමින්ද දිසානායක මහතා තව දුරටත් ශ්‍රී ලනීපයේ දේශපාලනය කිරීමෙන් වැඩක් නැති බවත් තමන් විශ්‍රාම ගන්න බවත් පවසා තිබේ. එහෙත් මහින්ද අමරවීර , සරත් අමුණුගම ඇතුලු පිරිසක් පක්ෂය විනාශ වී යෑමට ඉඩ නොතබා පක්ෂය රැක ගැනීම වෙනුවෙන් මහ මැතිවරණයට තනිව හෝ ඉදිරිපත් විය යුතු බවට දැඩි තීරණයක් ගෙන තිබේ. මෙම තීරණය සම්බන්ධයෙන් ජනාධිපතිවරයාද දැනුම්වත් කර අවසන් තීන්දුවක් ගත යුතු බවට ගෙන ආ යෝජනාව ද ඔවුන් ප්‍රතිෂේප කර ඇත. සිරිසේන ජනාධිපතිවරයා පක්ෂය පාවා දි පාක්ෂිකයටත් ද්‍රෝහී වූ බැවින් ඔහුව නොතකා කටයුතු කළ යුතු බවටද මෙහිදි මත පළ ව ඇත.
