ජනාධිපති සිරිසේන ශ්‍රිලනිප ය සහ පොදුජන පෙරමුණ අතර සන්ධානයක් ගොඩනැඟීමේ මූලිකම අරමුණ වී ඇත්තේ තම දියණිය පාර්ලිමේන්තුවට ගැනීමෙ වුවමනාවෙන් බව මෙම පොහොට්ටු සාමාජිකයන් පවසයි.
ජනාධිපතිවරයා විසින් ශ්‍රීලනිපය මුලුමනින්ම රාජපක්ෂවරුන්ට පාවා දීමෙන් පසුව ශ්‍රිලනිපය කෙරෙහි පාක්ෂිකයා කළකිරී ඇති මොහොතක ජනපති දියණි චතුරිකාට ශ්‍රි ලනීපයෙන් මහමැතිවරණයට ඉදිරිපත් වී ජයග්‍රහණය කළ නොහැකිය.පසුගිය පලාත්පාලන මැතිවරණයේදි ශ්‍රීලනිපය වෙනුවෙන් වැඩ කළ ශ්‍රීලනීප පාක්ෂිකයන්ට පොහොට්ටු පාක්ෂිකයන්ගෙන් තර්ජන ගර්ජන වලට ලක්වීමටද සිදු විය
පොළොන්නරු දිස්ත්‍රීක්කයේ පොහොට්ටු පක්ෂයේ නායක, හිටපු මන්ත්‍රි රොෂාන් රණසිංහ මහතා බලවත්සේ කලබලයට පත්ව සිටින බව ඔහු අද මව්බිම පුවත්පතට කර තිබෙන ප්‍රකාශයෙන් ද පැහැදිලිය.
දිඹුලාගල ප්‍රාදේශීය සභා බල ප්‍රදේශයේ ජනතාව අමතමින් පැවැති ජන හමුවකදී රොෂාන් රණසිංහ මහතා පැවැසූවේ පොහොට්ටුවෙන් මිසක වෙනත් ලකුණක් යටතේ ඡන්දය ඉල්ලන්න සූදානම් නැති බවය.
එසේම ඔවුන්ට අවශ්‍යව තිබුණේ ඡන්දයකින් දිනලා මහින්ද රාජපක්ෂ ගෞරවනීය විදියට ඉස්සරහ දොරෙන් අගමැති වෙනවා දකින්න බවත් කුමන්ත්‍රණකාරී ලෙස අගමැතිකම ලබා ගැනීම සදාචාරාත්මක නැති බවත් ඔහු පවසා ඇත.
